Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа Һәрби Гаjнагларындан верилән мәлуматлара ҝөрә, Суриjа Милли Ордусу Дәмәшг әjаләтинин Бәрзә бөлҝәсиндә азғын әл-Нүсрә тәкфирчи ҹәбһәсиндә террор групларыны говалаjараг, онлары ағыр иткиләр вермәjә мәҹбур едиб.
Һәрби ресурс, Дәмәшг әjаләтинин Әдра, Дума, Јәбруд, Ренкүс, Муәддәмиjә вә Ҹобар бөлҝәләриндә чох саjда террор jувасыны вә jараглыларын топланма мәркәзләрини, дахилиндәки әшjалар илә бирликдә мәһв едәрәк, хеjли саjда террорчуну дармадағын едиб, бир чохларыны да, jараладығыны сөjләjиб.
Тәкфирчи әл-Нүсрә ҹәбһәси, jаралыларыны мүалиҹә үчүн Түркиjәjә кечирир
Һәрби гаjнаг даһа сонра, Суриjа Милли Ордусунун Һәләб әjаләтинин шимал бөлҝәсиндә азғын әл-Нүсрә тәкфирчи ҹәбһәсиндә бир сыра jараглылары өлдүрәрәк, бир чохларыны да, jаралаjараг тәсирсиз һала ҝәтирдикләрини билдириб.
Гаjнаг һәмчинин, тәкфирчи террорчуларын өз jаралы үнсүрләрини мүалиҹә үчүн, даим Ислам Үммәтинә архадан зәрбә ендирән Түркиjә торпагларына апардыгларыны, jаралы террорчулар арасында да Әһмәд Аккад, Фирас Каҹан, Әһмәд Каҹан, Јусуф Делло вә Еһсан Абдулҝафур Ажжан адлы түрк һәрбичиләринин олдуғуну ифадә едиб.
Диггәт: Хәбәрдән истифадә етдикдә мәнбәjә истинад лазымдыр
