Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “ Әхлаглы Сечки вә Әдаләтли Һакимијјәт Уғрунда Һәрәкат”ын Мәшвәрәт Шурасынын августун 3-дә нөвбәти топлантысы кечирилиб. Топланты Гуран тилавәти илә ачылыб. Јығынҹаға МШ-нин үзвү Мәммәдаға Әлијев сәдрлик едиб. О, иштиракчылары бағышлајан вә меһрибан Аллаһын адыјла саламлајараг јығынҹағын ишинә уғурлар диләјиб.
Јығынҹағын ҝүндәлијинә мүзакирә үчүн әсасән Өлкәдә иҹтимаи-сијаси вәзијјәт вә үмуми сечки мүһити, Ислам Партијасынын сәдри Һаҹы Мөвсүм Сәмәдовун сечки илә бағлы мүнасибәтини ачыглајан бәјанаты, “Әхлаглы Сечки вә Әдаләтли Һакимијјәт уғрунда” сечки блокунун “ Сечки Гәрарҝаһы”нын јарадылмасы вә ҹари мәсәләләр дахил едилмишдир.
Топлантынын сәдри биринҹи мәсәлә барәдә мәлумат үчүн сөзү АИП сәдринин сијаси мәсәләләр үзрә мүавини Акиф Һејдәрлијә вериб. А.Һејдәрли даһа сонра мөвҹуд һакимијјәтин сечки илә башлы мүхалиф партија вә гурумлара амбисијалы, негатив мүнасибәтини, хүсусән һагсыз олараг һәбс олунан президентлијә намизәдләрин үзәринә атылан шәр вә бөһтанларын индијә кими арадан галдырылмамасыны кәскин тәнгид едиб, өлкәдә јени сечки ојунунун апарылмасыны сүбут едән аргументләри дилә ҝәтириб. О, Конститусијаја зидд олараг истәр игтидар партијасы сәлаһијјәтлиләринин, истәрсә дә бир сыра башга мүхалифәт гүввәләринин хариҹи өлкәләр гаршысында өһдәлик ҝөтүрмәсини сүбут едән һәрәкәтләрин шәксиз олдуғуну билдириб. А.Һејдәрли даһа сонра гејд едиб ки, һакимијјәт уғрунда ҝедән мүбаризәдә Дағлыг Гарабағын азад олунмасы тәрәфләр үчүн санки һеч бир әһәмијјәт кәсб етмир, һәтта торпаг уғрунда мүһарибәни ҹинајәт адландыранлар да вардыр. “Инсанларын азад сөз демәк имканы олмајан бир өлкәдә һансы азадлыгдан, азад сечкидән сөһбәт ҝедә биләр”-дејә А.Һејдәрли әдаләтли сечки уғрунда мүбаризәнин конјектур мараглардан чыхарылараг үмумхалг һәрәкатына чевирмәјин ваҹиблијини билдириб.
Сонра чыхыш үчүн сөз АИП сәдр әвәзи Елчин Манафова верилиб. О, илк нөвбәдә топланты иштиракчыларыны саламлајараг мәһбәс һәјаты јашајан АИП сәдри Һаҹы Мөвсүм Сәмәдовла ҝөрүшүндән мәлумат вериб. Е.Манафов М.Сәмәдовун Милли Шура илә бағлы мөвгејинин индики вәзијјәти, мәтбуатда бу һагда ҝедән јанлыш мәлуматларын биләрәкдән тәһрифи вә партија сәдринин һеч заман Милли Шура дејилән бир гурумда тәмсил олунмамасыны сүбут едән бәјанатындан вә шәхси мөвгејиндән данышыб. Топлантыда М. Сәмәдовун сечкии илә бағлы бәјанаты сәсләндирилиб.
Мәшвәрәт Шурасынын топлантысында Сејран Рзајев, Ингилаб Әһәдли, Сијасәт Бағыров, Елјар Нәзәров, Замин Мәҹидли, Әрәстун Рзајев, Давуд Шыхыјев, Һүсејн Гасымов, Әли Һүсејнов, Илһам Муҹтабаоғлу мүзакирә олунан мәсәләләрә мүнасибәт билдирмәклә мараглы тәклифләр ирәли сүрүбләр. Президент сечкиләриндә јүксәк нәтиҹә әлдә олунаҹағына инамла јанашан МШ үзвләри халгымызын сәфәрбәр олунмасына сәј вә ирадә ҝөстәрмәји башлыҹа вәзифә һесаб едибләр. Онлар бүтүн Ислами гүввәләрин “Әхлаглы Сечки вә Әдаләтли Һакимијјәт уғрунда һәрәкат”ын әтрафында бирләшәрәк ваһид мәгсәд уғрунда мүбаризә апармағы зәрури вә ваҹиб тәләб кими гијмәтләндирибләр. Бундан өтрү МШ үзвләри ваһид мәркәз олараг Ислам Партијасынын мәркәзи офисини “Сечки Гәрарҝаһы” адландырараг тәшкилати мәсәләләрин һәјата кечирилмәсини АИП сәлаһијјәтлиләринин үзәринә гојублар. Топлантыда һәмшинин бөлҝәләр үзрә сечки гәрарҝаһларынын јарадылмасы тәклифини гәрара дахил едилиб вә истәр сечки илә бағлы, истәрсә дә сечкиләрә үмуми Ислами нәзәрләрлә бағлы әһали арасына ҝениш маарифләндирмә тәдбирләринин апарылмасыны мәгсәдәујғун һесаб едәрәк гәрара алыблар.
Диггәт: Хәбәрдән истифадә етдикдә мәнбәјә истинад лазымдыр
