Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Суријада “Азад Сурија Ордусу” адлы силаһлы террористләрин тәркибиндә дөјүшән азәрбајҹанлы сәләфи-вәһаби азғын ҹәрәјанларына гошуланлардан олан Загаталанын Мухах кәнд саклинләриндән ики нәфәри Мәммәдов Рәшад Зәкәријјә оғлу вә Сүлејманов Ризван Исмајыл оғлу бу өлкәнин силаһлы гүввәләри тәрәфиндән өлдүрүлүб.
Бу барәдә аиләләринә азәрбајҹанлы вәһаби јарглыларынын силаһдашлары мәлумат вериб.
Ики ај әввәлки чәкилишимиздән сонра рајонун һүгуг мүһафизә органлары тәрәфиндән ҹидди тәјзигләрә мәруз галдыгларыны әсас ҝәтирән Ризван Сүлејмановун валидејнләри бу дәфәки ҝәлишимиздә бизи кәскин агресија илә гаршылајараг, Ризван Сүлејмановун анасы Хаҹҹат Гәдирова һеч бир ачыглама вермәјәҹәјини билдирди: “Јенә ҝәлибләр, нијә ҝәлмисиниз? Јенә јарамы ганадаҹагсыз?! Һәр шеји өјрәнмисиниз, даһа биздән нә сорушмаг, нәји билмәк истәјирсиниз. Даһа сизә һеч нә демәјәҹәјик”.
Өвладынын һәлак олмасында аз гала бизи ҝүнаһландыран ананын сон ҹавабы исә “Оғул мәнимдир, һара ҝөндәрәрәм мән биләрәм” олду.
Рәшад Мәммәдв вә Ризван Сүлејмановун валидејнләри өвладларынын өлдүјүнү тәсдигләсәләр дә, онларын “шәһид” олдуғуну иддиа едирләр.
Валидејинләринин јашадыглары Мухах кәндиндә Суријада өлдүрүлән ики нәфәрдән јалныз биринин Ризван Сүлејмановун јас мәрасими тәшкил олунуб. Ҹәми бир ҝүн баш тутан һүзрдә әсасән гоһумлары иштырак едиб, кәнд сакинләри јас мәрасиминә гатылмајыб. Кәнддә оларкән ону да өјрәндик ки, Суријадакы силаһлы груплашмалара гошулан диҝәр кәнд сакини Мәммәдов Ваһид Мәһәммәд оғлу да сон дөјүшләрдә ағыр јараланыб.
Диггәт: Хәбәрдән истифадә етдикдә мәнбәјә истинад лазымдыр
