Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мүсәлманлар арасында Сүнни-Шиә мүһарибәсини аловландырмаға сәј ҝөстәрән истикбарчы гүввәләрин муздлу нөкәрләри, вәһаби-сәләфи јараглылары, 26 ијун 2013 тарихдә, јерли вахтла 17:00 радәләриндә Парачинар шәһәринин Курм мәнтәгәсиндә ики партлајыш акты төрәдәрәк нәтиҹәдә 100-ә јахын Шиәни јаралајыб 30 јахын ҝүнаһсыз Шиәни исә Шәһид едибләр.
Јерли гајнаглардан верилән мәлуматлара ҝөрә, саат 17:00-да баш верән илк партлајыш, моторсиклетә гурашдырылмыш бомбанын партламасы илә һәјата кечирилиб. Һадисә јери дәгиг, Пакистанын Шимал Гәрб мәнтәгәсиндә, Әфганыстан республикасынын 20 км мәсафәсиндә, Парачинар шәһәринин мәркәзи базарында баш вериб.
Икинҹи партлајыш исә, шәһәрин Шиә Мәсҹидләринин бириндә төрәдилиб. Гејд едәк ки, икинҹи террор һадисәси ағылсыз камиказе тәрәфиндән һәјата кечирилиб.
Билдирәк ки, баш верән олајла бағлы Пакистан Баш Назири Нәваз Шәриф, террор һадисәсини кәскин сүрәтдә тәнгид едиб.
***
Алдығымыз мәлумата ҝөрә, Парачинар фаҹиәсиндә артыг 60-а јахын Шиә Шәһид олуб.
Азғын "Талибан" јараглы груплашмасы әмәлијјаты өһдәсинә рәсмән ҝөтүрүб.
Пакистанда үч ҝүн үмуми әза елан олунуб.
Диггәт: Хәбәрдән истифадә етдикдә мәнбәјә истинад лазымдыр
