Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән журналистләрә ачыглама верән Иран Ислам Республикасынын Хариҹи Ишләр Назирлијинин сөзчүсү Сәид Аббас Әрәгчы авропалыларын анти-Мүгавимәт аддымларына ишарә едәрәк билдириб: “Авропа Бирлији тәрәфиндән Ливанда фәалијјәт ҝөстәрән Һизбуллаһ Мүгавимәт Тәшкилатынын террорчу тәшкилатларын сијаһыја салынмасы гәрәзли вә гејри-профессионал аддымдыр”.
Ҹәнаб Әрәгчинин сөзләринә ҝөрә, Иран Ислам Республикасы бу гәрәзли гәрары Ливан халгына гаршы һөрмәтсизлик кими дәјәрләндирир: “Биз буну Ливан халгына гаршы бир аддым кими дәјәрләндиририк. Тәшкилат өлкәнин сијаси аренада чыхыш едир вә исраил режиминә гаршы гануни мүбаризә апарыр. Буна ҝөрә дә, Һизбуллаһ Мүгавимәт Тәшкилатынын адыны бу сијаһыја салынмасы дүшүнүлмәмиш вә Јахын Шәрг кими һәссас реҝионда сүлһүн вә стабиллијин бәргәрар олмасына јардым етмәјән бир аддымдыр. Үмид едирик ки, бу гәрар сионист исраил режиминә гаршы мүбаризәдә дәјишикликләрә сәбәб олмајаҹаг”.
Диггәт: Хәбәрдән истифадә етдикдә мәнбәјә истинад лазымдыр
