Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Бакы Апелјасија Мәһкәмәсиндә һаким Вагиф Мурсагуловун сәдрлији илә Һиҹаб Мәһбусларындан нөвбәти групун апелјасија шикајәтинә бахылыб.
5 октјабр "Һиҹаба Азадлыг" шүары илә кечирилән аксијада ганунсуз јерә һәбс едилән Рамил Вәлијев вә Елшад Рзајевин Нәриманов рајон мәһкәмәсинин мүвафиг олараг вердији 6 ил 6 ај вә 6 ил гәрарындан верилмиш шикајәтә бахылыб.
Мәһкәмә иҹласы саат 10:00-а тәјин едилсәдә, һәмишәки кими тәхирлә саат 11:30-да башлајыб.
Рамил вәлијевин вәкили Гасым Сәрдәров вә Елшад Рзајевин вәкили Бәхтијар Һаҹыјев мүвәккилләринин истинтагынын давам етдирилмәсини вә зәрәрчәкмишләрин ифадәләриндә дәјишикликлик олдуғуну ирәли сүрәрәк јенидән арашдырылмасыны һакимдән истәјибләр.
Бу ҝүн шикајәтә илкин бахыш олдуғундан мәһкәмә танышлыг характери дашыјыб. Һаким Вагиф Мурсагулов мәһкәмә иҹласыны августун 5-и саат 10:30-а тәјин едиб.
Гејд едәк ки, Рамил Вәлијев вә Елшад Рзајевлә бир групда мүһакимә едилмиш Ариф Фәтәлијев, Ваһид Ләләкишијев, Рамил Меһдијев вә Елчин Мәммәдовун ишиндән апеллјасија шикајәти верилмәјиб.
Диггәт: Хәбәрдән истифадә етдикдә мәнбәјә истинад лазымдыр
