Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн, Һиҹри Гәмәри тарихи илә Мүбарәк Рамазан ајынын 10-у, Әзиз Ислам Пејғәмбәринин (сәлләллаһу әлејһи вә алиһ) вәфалы һәјат јолдашы, Мөминләрин Анасы, Ислам Динини илк гәбул едән гадын, Өз сәрвәти илә Исламы јашадан, Тәгва, Иман, Истигамәт, Мөһкәмлик вә Сәбр Касасы олан һәзрәти Хәдиҹәји Кубранын (сәламуллаһи әлејһа) шәһадәт ҝүнүдүр.
Биз АБНА олараг, бу һүзнлү ҝүн мүнасибәти илә башда Имам Заман (Аллаһ Онун Шәрафәтли Зүһурини Тезләшдирсин) һәзрәтләринә, онун јер үзәриндәки Һагг Наиби Имам Хаменеји ҹәнабларына вә бүтүн Мүсәлман Дүнјасына башсағлығы веририк.
Бу мүнасибәтлә сајтымызын һөрмәтли зијарәтчыринә Ханым Хәдиҹәји Кубранын (сәламуллаһи әлејһа) һәјаты һаггда гыса анлајышы тәгдим едирик.
Ханым Хәдиҹәји Кубранын (сәламуллаһи әлејһа) һәјаты
Атасы Хувејлид ибн Әбдүл Гәрра бин Гусејј бин Килабдыр. Һөрмәтли анасы Фатимә бинти Заид ибн Әсәммдир. Ханым Хәдиҹәи Кубра Һиҹрәтдән 55 ил өнҹә (милади тарихи илә 567-ҹи илдә) Тәк-Аллаһлы Бәни Һашим тајфасынын диндар аиләсиндә дүнјаја ҝөз ачыб. О, варлы вә задәҝан бир гыз хәјлагы олдуғу үчүн, она мүхтәлиф тајфа башчыларындан евләмәк тәклифләри ирәли сүрүлүрдү. Лакин һәзрәти Хәдиҹә елчиләрини Тәк-Аллаһлы олмадыглары сәбәбуиндән һамысына рәд ҹавабы верәрәк өзүнә тај бир шәхсин интизарын чәкирди. Буна ҝөрә дә, Ханым Хәдиҹә өмрүндә бир дәфә, 28 јашында оларкән аилә һәјаты гуруб вә онун јеҝанә һәјат јолдашы да мәһз 25 јашлы Ислам Пејғәмбәри һәзрәти Муһәммәд Ибн Әбдуллаһ (сәлләллаһу әлејһи вә алиһ) олуб. Онларын кәбини һәзрәти Әбу Талиб (әлејһис сәлам) тәрәфиндән кәсилиб.
Ибни Әббас бу һаггда дејир: “Һәзрәти Хәдиҹә Пејғәмбәр илә евләндији заман онун 28 јашы вар иди” (Биһарул Әнвар, ҹилд. 16, сәһ. 3).
Әбул Гасим Куфи, Әһмәд Бәлазәри, Әләмул Һуда (Сејјид Муртәза) Шафи китабында вә Шејх Туси “Тәлхисул Шафи” китабында тәкидлә билдирирләр: “Һәзрәти Хәдиҹә Ханым Пејғәмбәр илә евләндији заман Әзра (Бакирә) иди.”
Әлламә Мәҹлиси дә мәһз бу нәзәријјәни тәјид едир...
Чүнки әҝәр Пејғәмбәрә әрә ҝедәркән Хәдиҹәнин 40 јашы олмушса, бесәтдән 5 ил сонра доғулмуш Һәзрәт Фатимәни (ә) дүнјаја ҝәтирәркән онун јашынын 60-ы кечдијини гәбул етмәлијик ки, бу да һәгигәтә ујғун ҝөрүнмүр. Ислам Пејғәмбәри Хәдиҹәдән әввәл һеч кәслә евләнмәмиш, онунла евли олдуғу мүддәт бојунҹа да башга гадынла аилә гурмамышдыр. Бу евлиликдән онларын 1 өлвады, һәзрәти Ханым Фатимә (сәламуллаһи әлејһа) дүнјаја ҝәлиб вә онун барәсиндә Көвсәр сүрәси назил олуб.
Ханым Хәдиҹәји Кубра (сәламуллаһи әлејһа) Исламы гәбул едән илк гадындыр
Һәзрәти Муһәммәд (сәлләллаһу әлејһи вә алиһ) Пејғәмбәр илә Ханым Хәдиҹәи Кубранын (сәламуллаһи әлејһа) бәрәкәтли вә хошбәхт евлиликләриндән 15 ил өтүрдү... Һәзәрти Муһәммәд Әмин (сәлләллаһу әлејһи вә алиһ) тез-тез Һәра Дағына ҝедир вә Һәра Мағарасында ибадәтлә мәшғул олурду... Белә бир ҝүнләрдә о, Һәра Мағарасында ибадәтлә мәшғул олдуғу анда, рәсмән Аллаһ Тәала тәрәфиндән Пејғәмбәрлијә тәјин едилди... Ханым Хәдиҹәји Кубра (сәламуллаһи әлејһа) илк гадындыр ки, Ислам Динин гәбул едәрәк Пејғәмбәрә Иман ҝәтириб вә Уҹа Аллаһа гул олдуғуну играр етмишдир. Ислам Пејғәмбәри бу һаггда бујурур: “Дүнја гадынлары сырасында Аллаһа Иман ҝәтириб, Муһәммәдин Пејғәмбәрлијини гәбул едән илк гадын Хәдиҹә әлеһа саламдыр.”
Аллаһ Ҹәллә Ҹәлалуһ, Ханым Хәдиҹәјә салам ҝөндәрир
Ханым Хәдиҹәнин мәгмы о гәдәр јүксәк иди ки, Алләаһ Тәала дәфәләрлә о һәзрәтә Һәзрәти Ҹәбраил васитәси илә өз саламыны ҝөндәриб.
Имам Муһәммәд Багир әлејһис сәлам бујурур: “Һәзрәти Пејғәмбәр (сәлләллаһу әлејһи вә алиһ) Мераҹдан гајыдаркән Ҹәбраилә хитаб едәрәк бујурду: Бир истәјин вармы? Ҹәбраил әрз етди: Истәјим будур ки, Аллаһын вә мәним саламымы Хәдиҹәјә чатдлрасан.” (Биһарул Әнвар ҹилд. 6 сәһ. 7)
Ханым Хәдиҹәнин (сәламуллаһи әлејһа) Исламын тәблиғиндәки бөјүк ролу
Чох задәҝан бир гадын олан һәзрәти Хәдиҹә (сәламуллаһи әлејһа) бүтүн вар-дөвләтини Ислам Динин јајылмасында вә Ислам Пејғәмбәри уғрунда еһсан етди. О, бүтүн әмлакыны һәзрәти Пејғәмбәрә бағышламышдыр. Белә ки, Ханым Хәдиҹәнин Шәһид олдуғу ан кәфәнлик үчүн парчасы галмамышдыр...
Ханым Хәдиҹәнин (сәламуллаһи әлејһа) шәһадәти
Артыг 7 ил иди ки, һәзрәти Пејғәмбәр Ислам Динин әләни сүрәтдә тәблиғ едирди. Башда Әбу Суфјан вә Һиндә ләнәтликләр олмагла бүтүн Мәккә мүшрикләри “Дарул Нәдвә”дә јығышараг Ислам тәблиғатынын өнүн кәсмәк мәгсәди илә Пејғәмбәрә вә онун аз мигдарда олан ардыҹылларына ағыр игтисади вә сијаси санксијалар тәтбиг етмәјә башладылар. Санксијалар Муһәррәм ајынын 1-дән башлајараг үч ил мүддәтиндә давам етди. Бу мүддәт әрзиндә Ислам Пејғәмбәри Мүсәлманлар илә бирликдә Сәфа вә Мәрва дағлары илә збә-үз олан, вә бу ики дағын 500 метирлијиндә јерләшән “Шиби Әбу Талиб” мәһәлләсинә сығынараг, Әбу Талибә (әлејһис сәлам) пәнаһәндә олдулар... Санксијалар нәтиҹәсиндә Мүсәлманлар јалныз һәзрәти Хәдиҹә сәламуллаһи әлејһанын сәрвәти илә доланышыгларын өдәјә билирдиләр... Артыг вәзијјәт ағырлашмышдыр... Әбу Талиб бесәтин 10-ҹү или Рамазан ајынын 7-дә 3 ил һиҹрәтдән өнҹә Шиби Әбу Талибдә дүнјасын дәјишди. Ислам Пејғәмбәри Мөмин вә Муҹаһид Әмиси һәзрәти Әбу Талиби (әлејһис сәлам) итирәрәк әлдән верди. Үч ҝүн сонра исә Рамазан ајынын 10-да Ислам пејғәмбәри икинҹи бөјүк белархасы олан һәзрәти Хәдиҹә Ханымы итирәрәк әлдән верди. Бу ики итки илә әлагәдар Ислам Пејғәмбәри һәмин или “Амул Һүз” Һүзн Или адландырды...
Имам Садиг (әлејһис сәлам) бујурур: “Ханым Хәдиҹә дүнјадан көчдүкдән сонра һәзрәти Фатимә (сәламуллаһи әлејһа) Пејғәмбәрә пәнаһ апарараг, онун әтрафына дөвр вуруб дејирди: “Атаҹан Анам һарададыр?” Һәзрәти Ҹәбраил назил олараг бујурду: Еј Аллаһын Рәсулу! Пәрвәрдиҝарын Фатимәјә салам чатдырыб она белә билдирмәјиви әмр етди: Анан Беһештә Зәбәрҹәд вә Јагутдан дүзәлдилмиш евин, стунлары Гырмызы Јагутдан олан Гызыл Отагда, һәзрәти Асијә вә Мәрјәмлә (әлејһимәс сәлам) бирликдә әјләшиб.”
Диггәт: Хәбәрдән истифадә етдикдә мәнбәјә истинад лазымдыр
