Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ислам Конфрансы Тәшкилатынын нүмајәндәси 10 ијул 2013 тарихдә БМТ-нин баш катиби Пан Ҝи Мун илә кечиртдији ҝөрүшдә, тәкидлә Бирләшмиш Милләтләр Тәшкилатындан Мјанма дөвләтинә Руһинҝа Мүсәлманларынын проблемләринин тез бир заманда һәлл оласы үчүн тәзјиг ҝөстәрмәсини тәләб едиб.
Әрәбистанын БМТ-дә ки нүмајәндәси ба һаггда билдириб: “Мјанма дүнја дөвләтләри илә, бал ајына чыхыб. Лакин бу “бал ајын” јеҝанә проблеми, гурбан олмуш Мүсәлман ҹәсәдләри үзәриндә гурулмасыдыр...”
Мүәллими даһа сонра билдириб: “Мјанма дөвләти өлкәдә Мүсәлманлара гаршы апарылан сојгырмлар гаршысында һеч бир лазымы аддымлар ата билмәјибләр.”
Хатырладаг ки, Иран Ислам Республикасынын БМТ-дәки даими нүмајәндәси Мәһәммәд Хәзаи тәрәфиндән БМТ Баш катиби Пан Ҝи Муна Руһинга Мүсәлманларынын сојгырымы илә бағлы мәктуб ҝөндәрилиб. Мәктубда Мјанмада јашајан Мүсәлманлара гаршы төрәдилән ҹинајәтләрин гаршысынын алынмасы үчүн тәҹили аддымлар атылмасы тәләб олунуб.
Мјанмада ҹох сајда динҹ вәтәндашын гәтлә јетирилдијинә, Мәсҹид вә евләрин јандырылдығына диггәти јөнәлдән мәктубда, Мүсәлманларын јүз илләрлә јашадыглары торпаглардан чыхарылмасынын гәбул едилмәјәҹәји вурғуланыб.
Мәктубда бејнәлхалг аләмин Мјанмадакы күтләви гырғынлар гаршысында һеч бир реаксија ҝөстәрмәмәси бурадакы Мүсәлманларын һүгугларынын позулмасына вә вәзијјәтин даһа да писләшмәсинә сәбәб олдуғу гејд едилиб.
Гејд едәк ки, бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, сон һадисәләрдә 200-дән артыг Мүсәлман буддистләр тәрәфиндән Шәһид едилиб, 300 мин нәфәр өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәал исә, дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Диггәт: Хәбәрдән истифадә етдикдә мәнбәјә истинад лазымдыр
