Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Диндар Рәшад Рамазановун вәкилинин Баш Прокурорлуға ҝөндәрдији вәсатәт тәмин олунмајыб. Мәлуматы вәкил Рөвшән Ширәлијев вериб.
Вәкил билдириб ки, вәсатәт Рәшад Рамазановун истинтаг ишинин Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәсиндән алыныб Баш Прокурорлуға верилмәси һагда иди.
Мәшһәди Рәшад Рамазановла һәр һәфтә ҝөрүшдүјүнү билдирән Рөвшән Ширәлијев онун вәзијјәтинин нормал олдуғуну вурғулајыб.
Рәшад Рамазановун наркотик истифадәчиси олуб-олмадығыны мүәјјән етмәк үчүн ҝөтүрүлән ган анализләринин һәлә ҹавабы ҝәлмәјиб.
Хатырладаг ки, Диндар Рәшад Рамазанову (Рәшад Һәгигәт Ағәддин) мајын 9-да Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәси сахлајыб. Әнәнәви олараг Рәшад Рамазанов да Ҹинајәт Мәҹәлләсинин 234.4.3-ҹү (ганунсуз олараг күлли мигдарда наркотик васитәләри сахламаг вә сатмаг) маддәси илә ШӘРЛӘНИЛИБ. Блогчу һаггында 3 ајлыг һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
