Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азад Гарабағ Уғрунда Алјансынын нүмајәндә һејәти Тәбриз Университетинин ректору доктор-профессор Пәрвиз Ажиде илә ҝөрүшүбләр. Ҝөршдә ректор һәр бир пејғәмбәрин бир ја бир нечә мөҹүзәси олмасына тохунараг дејиб: "Бизим Пејғәмбәримизин (с) әбәди мөҹүзәси Гурандыр. Она әмәл етмәк дүнјаны ҹәннәтә чевирир вә Ислам дүнјасынын бүтүн проблемләринин һәлл јолларыны ҝөстәрир".
Др. Ажиде Франсанын Әлҹәзаирдә мүстәмләкәчилијинә вә бу ишғалын мүсәлманларын әли илә сонра јетмәсинә ишарә едәрәк дејиб: "Мүстәмләкәчилијә сон гојулдугдан сонра Әлҹәзаир халгынын гәләбәсинин сәбәбләрини арашдырмаг мәгсәдилә елми конфранс тәшкил едилди. Конфрансда иштирак едән Франсанын о дөврдәки баш назири Гурана һөрмәтсизлик етмәклә јанашы, бу сәмави китабы мүсәлманларын гәләбәсинин ән өнәмли рәмзи адландырды, Гуран вә Франсанын мүстәмләкәси олан өлкәләрин мүсәлманлары арасында ајрылыг салынмасыны истәди".
Университетин ректору артырды: "Бу ҝүн дә јени мүстәмләкәчиләр вә шејтанлар мүсәлманлары Гурандан ајры салмаға чалышырлар. Она ҝөрә дә биз ајыг олмалыјыг вә һәр ҝүн Гуранла бағлы маарифимизи дәринләшдирмәлијик".
Азәрбајҹан Республикасынын халгынын проблемләринә, әсасән дә бу өлкәнин торпагларынын ишғалына ишарә едән др. Ажиде дејиб: "Бу проблемләрин һәлли јолу Гуран маарифи илә танышлыг вә вә бу маарифә әмәл етмәкдир. Бунун үчүн Азәрбајҹанда Гуран тәлимләринә башланылмалы вә ону ҝенишләндирмәк лазымдыр ки, Гарабағын азадлығы ҝерчәкләшсин".
Университет ректору Азәрбајҹанда Гуранын тәблиғини вә ҝәнҹләри Гурана дәвәт етмәји бир нөв ҹиһад адландырараг, бунун бәзи өлкәләр үчүн хошаҝәлмәз олдуғуну вурғулајыб.
Өлкәнин шимал-гәрб елми мәркәзләринин вә Азад Гарабағ Уғрунда Алјансын Гарабағ мөвзусунда бејнәлхалг конфрансын кечирилмәсинә әһәмијјәт вермәсинә ишарә едән доктор дејиб: "Гарабағ мөвзусунда бејнәлхалг конфранас кечирмәк бөјүк ишдир. Чүнки бу Гарабағ мүсәлманларынын мәзлумлуг сәсини бүтүн дүнјаја чатдырмагдыр".
Др. Ажиде һәмчинин Иран Ислам Республикасынын дүнјанын бүтүн нөгтәләриндәки мүсәлманлары дәстәкләмәсинә ишарә едәрәк дејиб: "Гарабағында Ислам вә мүсәлманларын иззәти горунмалыдыр. Ислам торпагларындан бир гарыш да әлдән вермәк мүсәлманлара вә Ислам өлкәләринә јарашмаз. Она ҝөрә дә вәһдәт вә јадларын тәфригә тәләсинә дүшмәкдән узаг олмагла севимли Гарабағын азад олунмасы фикриндә олмалыјыг".
Гејд едәк ки, Азад Гарабағ Уғрунда Алјансын нүмајәндә һејәти бир нечә ҝүн Иран Ислам Республикасында, о ҹүмләдән Тәбриз вә Әрдәбил шәһәрләриндә сәфәрдә олублар.
Диггәт: Хәбәрдән истифадә етдикдә мәнбәјә истинад лазымдыр
