Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн 14 ијун 2013 тарихдә, Иран Ислам Республикасында 11-ҹи президент сечкиләри, һәмчинин өлкә боју “Ислам Шуралары”на намизәдләрин сечилмәси үчүн тәшкил оан 14-ҹү сечки компанијасына ејни вахтда старт верилиб.
Дүнја Мүсәлманларынын Али Дини Лидери, Имам Хаменеи ҹәнаблары да өз нөвбәсиндә, Теһранын Ҹәмәран мәнтәгәсиндәки Имам Хомејни (р.ә) адына Һүсејнијјәдә гојулмуш 110 (һүруфиликдә “Ја Әли” әлејһис сәлам демәкдир) нөмрәли гутуја өз сечимини, КИВ-ин ҝөзү өнүндә атыб.
Һәзрәти Имам Хаменеи, даһа сонра гыса нитг илә дә чыхыш едиб. О, илк өнҹә бүтүн милләтләри мүгәддәс Шәбан ајындакы бајрам мүнасибәтләри илә тәбрик едәрәк, Иран халгынын сечкиләрдә даһа да актив иштирак етмәсинә тәкид едиб.
Имам Хаменеи билдириб: “Дүшмәнләр, халгда үмүдсүзлүк јарадараг, сечкиләрдә иштирак етмәмәси үчүн, чохлу ҹәһдләр ҝөстәрдиләр. Һәтта онлар 11 сечки дөврүндә өз һәддләрини ашараг, гәрбин дүшмән гүввәләрә бағлы олан сијасәтчиләри вә танынмыш шәхсијјәтләриндән дә истифадә едәрәк, әләини сүрәтдә халгын сечкиләрдә иштирак етмәләринә гаршы фәалијјәт едирләр.”
Имам Хаменеи ҹәнаблары америкалы сијасәтчиләрин ИИР президент сечкиләри һаггда дедикләри “биз Иран сечкиләрини гәбул етмирик” ифадәләринә ишарә едәрәк билдирди: “Дүшмәнин нәзәрләри, һеч бир вахт Иран милләти үчүн әһәмијјәтли олмајыб. Иран милләти нәјә еһтијаҹ дујдуғуну, өлкәнин марагларынын нәдә олдуғуну даим өзү тәјин едиб, бу сәбәбә ҝөрә дә, һәр заман сескиләрдә иштирак едиб вә едәҹәк дә...”
Дүнја Мүсәлманларынын Али Лидери, халга президент сечкиләриндә, ҝүнү әввәл вахтында иштирак етмәләрини төвсијә едәрәк билдириб: “Һеч ким һәтта јахынларым белә, мәним кимә сәс верәҹәјимдән хәбәри јохдур. Халгын кимә сәс верәҹәји шәхс һаггында тәһгиг апармасы, бир вәзифә олараг онларын өһдәсиндә галыр...”
Диггәт: Хәбәрдән истифадә етдикдә мәнбәјә истинад лазымдыр
