Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијәдә дурум ағыр олараг галмагда давам едир. Хәбәр аҝентликләринин вердији мәлауматлара ҝөрә, ики ҝүнаһсыз Түрк вәтәндашы, полис зоракылығынын уҹатындан һәјатларыны дәјишибләр.
Бу ҝүн алдығымыз мәлуматда исә, даһа бир ҹаван, өз һәјатыны итириб. Белә ки, хәбәр аҝентликләринин вердији мәлуматлара ҝөрә, бу ҝүн Һатаи вилајәтиндә баш тутан етираз аксијасында иштирак едән 22 јашлы ҹаван етиразчы, шәһид олуб.
Абдуллаһ Ҹомәрд адлы ҹаван, Түркијә дөвләтинин әлејһинә башланан халг гијамында иштирак едәркән, полисин автомат силаһдан ачдығы атәш нәтиҹәсиндә ағыр јараланыр. Абдуллаһ хәстәханаја чатдырылса да лакин алдығы ҝүллә хәсарәтинин ағыр олдуғу сәбәби үзүндән хәстәханада дүнјасыны дәјишиб. Беләликлә дә, Түркијә Халг Гијамында шәһид оланларын сајы һәләлик 3 нәфәрә чатыб.
Гејд едәк ки, Түркијәдә баш верән гаршыдурма нисбәтән сакитләшсә дә, лакин дүнән ҝеҹә Әрдоғанын етиразчылары тәһгир едәрәк “гарәтҝәр” адландырмасы, бир даһа гаршыдурманын аловланмасына сәбәб олду.
Диггәт: Хәбәрдән истифадә етдикдә мәнбәјә истинад лазымдыр
