Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн "Азадхебер" сајтынын баш редактору Ниҹат Әлијев вә онунла бирликдә тәгсирләндирилән Нәсиров Елвин, Ҹамалов Горхмаз, Һүсејнов Елимхан, Һүсејнов Самир, Тофиги Емин, Мәммәдов Сәфәр, Әлијев Әлинин нөвбәти мәһкәмә иҹласы Бакы Ағыр Ҹинајәтләр Мәһкәмәсиндә баш тутан мәһкәмә иҹласы саат 11:00-дә башлајыб.Журналист Ниҹат Әлијевин вәкили онун Јасамал РП-дә 476-ҹы полис бөлмәсиндә вә Исраил сәфирлијинин гаршысында сәфирлијин ишчиси тәрәфиндән дөјүлмәсини, һәләдә дөјүлмәк изләринин галмасыны вә дахили органларынын хәсарәт алмасыны хатырладараг, тибби експертиза кечирилмәси барәдә вәсатәт галдырыб.
Вәкил ишҝәнҹәләрин һәм өлкә ганунларыјла һәм дә бејнәлхалг ганунларла гадаған олдуғуну вурғулајыб вә Ниҹат Әлијевә верилән ишҝәнҹәләрин арашдырылмасыны, изләрин тәјин олунмасыны, һәмин тарихләрлә ујғун олуб-олмамасы барәдә ујғун рәј верилмәсини вә експертиза заманы вәкилләрин дә иштиракынын тәмин олунмасыны истәјиб.
Бундан сонра һакимләр 15 дәгигәлик фасилә елан едәрәк бу барәдә мүшавирә кечирибләр. Фасиләдән сонра вәсатәтин тәмин едилдији елан едилиб.
Даһа сонра мәһкәмә иҹласында 6 шаһиддән 4-үнүн ифадәси алыныб.
Илк шаһид кими ҹинајәт ахтарыш шөбәсинин әмәлијјатчысы Салаһзадә Салеһ ифадә вериб. О, илк ифадәсини там тәсдигләдијини, тәсдигләндириләрдән Самир Һусејнову шүбһәли шәхс гисминдә Автовағзал әразисиндә сахладыгларыны вә сахланылан заман онун әлиндә 1 пакет олдуғуну билдириб. Полис бөлмәсиндә һал шаһидләринин иштиракы илә бахыш заманы һәмин пакетдән дискләр, 1 әдәд сүнҝү бычаг вә 9 әдәд ҝүлләјлә бирликдә ручка силаһ ашкарландығыны сөјләјиб.
Самир Һусејновун вәкили мүвәккилинин вә диҝәр һал шаһиди Сәфәрин ифадәләриндә, Самир Һусејнову Автовағзал әразисиндә дејил Бакыда "Кубинка" әразисиндә Мәшәди Дадаш мәсҹидинин јахынлығында сахландығыны билдириб.
Самир Һусејнов онда олан пакетдә дискләрин олмасыны вә үзәриндә сүнҝү бычаг олмасыны етираф едиб. Ручка силаһ барәдә исә белә дејиб, "Мәни дөјә-дөјә бөлмәјә ҝәтирдиләр. Бөлмәдә дә дөјдүләр. Дамағымда һәмин јаралар һәлә дә галыр. Онларын арасында Фаиг адлы МТН забити кими тәгдим едилән шәхс дә вар иди. Онлар мәнә дедиләр ки, ја бу ручка силаһы ҝөтүр бојнуна ја да евиниздән Һаҹы Мөһсүм Сәмәдов кими силаһ амбары чыхардаҹағыг. Мән суал етдикдә јахшы буну кимдән алмышам суалы вердикдә өлмүш бир танышынын адыны билдирирәрсән дедиләр. Мәндә Хәтаји адлы өлмүш синиф јолдашымын адыны дедим. О, силаһы јохлајын онун үзәриндә мәним әл изләрим јохдур. Чүнки силаһа әл вурмағы гәбул етмәдим".
Икинҹи шаһид гисминдә әмәлијјатчы Гурбанов Елчин ифадә вериб. О, да Самир Һусејновун сахланмасында иштирак етдијини, илк ифадәсини тәсдигләдијини билдириб. Гејд едәк ки, һәмин ифадәләр биринҹи шаһидин ифадәләријлә ејнилик тәшкил едиб.
Самир Һусејновун атасы Ханпаша Һусејнову шаһид Салаһзадә Салеһин "мәнә мүдахилә едир" шикајәтијлә јанына чағырды. 1-ҹи груп Гарабағ Әлили Ханпаша Һусејнов онун јаланчы ифадә вердијини вә бундан әсәбләшдијини деди. Һаким өз нөвбәсиндә Ханпаша Һусејновун һәрәкәтләринин вә тәһгирләринин протоколлашдырылмасыны вә һаггында ҹинајәт иши ачылмасыны сөјләди. Даһа сонра о мәһкәмә иҹласындан узаглашдырылды.
Мәһкәмә иҹласында јаранан ҝәрҝинлик сәбәбијлә вәкилләрдән Јалчын Иманов һаким Зејнал Ағајевә етираз олараг "Сиз мәһкәмә шәраитини мәһдудлашдырмагла, тәјзигләр етмәклә дүзҝүн мәһкәмә ҝетмәсинә манеә төрәдирсиниз. Сиз отуран вәтандашлара "Өзүнүзү Ирандакы кими һисс етмәјин" демәклә һансы гәрары верәҹәјинизи әввәлҹәдән мәлум едирсиниз" дејиб.
3-ҹү шаһид Анар адлы шаһид ифадә верди, О да Самир Һусејновун сахланмасында иштирак етдијини, илк ифадәсини тәсдигләдијини билдириб. Онунда ифадәләри диҝәр ики шаһидин ифадәсијлә ејни олуб.
4-ҹү шаһид кими Натиг Танривердијев ифадә вериб. О исә тәгсирләндирилән Нәсиров Елвини таныдығыны, онун јашадығы мәнзилдә дискләр вә наркотика ашкар етдикләри барәдә ифадәсини тәсдигләјиб.
Шаһидә вәкилин мүәјјән суаллар вермәсиндән сонра һаким мәһкәмә иҹласыны сахлајыб.
Нөвбәти мәһкәмә иҹласы ијун ајынын 6-ы саат 10:30-а тәјин едилди.
Диггәт: Хәбәрдән истифадә етдикдә мәнбәјә истинад лазымдыр
