Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн сәһәр радәләриндә Әфганыстанын Нәнҝәрһар әјаләтинин мәркәз шәһәри олан Ҹәлләбадда, полис кечид мәнтәгәси өнүндә ики бөјүк партлајыш акты гејдә алыныб.
Нәнҝәрһар әјаләтинин спикери Әһмәд Зија Әбдуззај бу һаггда ачыглама верәрәк дејиб: “Һадисә заманы бир полис шәһид олмуш, даһа 6 нәфәр исә, ағыр јараланмышдыр. Мүлки вәтәндашлардан да бу һадисәдә үч нәфәри ағыр јралар алараг тәҹили јардымлар ҝөстәрилмишдир”.
Нәнҝәрһар әјаләтинин Полис Командирлијинин мәтбуат хидмәтинин рәһбәри Һәзрәт Һусејн Мәшриги һадисәнин Ҹәлләбад шәһәриндә гејдә алындығыны дејәрәк билдириб: “Террорчуларын әсас һәдәфи, Әфган полисләри олуб”.
Гејд едәк ки, һәләлик һеч бир груп рәсми олараг, һадисә актынын мәсулијјәтини үзәринә ҝөтүрмәјиб.
Диггәт: Хәбәрдән истифадә етдикдә мәнбәјә истинад лазымдыр
