Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Гәззә Золағынын Ҹәнуб мәнтәгәсиндәки, Хан Јунус шәһәринин сакинләри, ишғалчы гондарма исраил режиминин Суријаја етдији һава һүҹумуну мәһкум етдиләр.
“әл-Ҹәбһәтул Шуәбијјә лилтәһрири Филистин” органы тәрәфиндән кечирилән тәзаһүратда, иштирак едән етиразчылар, әлләриндә Сурија Дөвләти бајрағы вә Ливан Һизбуллаһ Тәшкилатынын Баш Катиби Һөҹҹәтүл Ислам Сејјид Һәсән Нәсруллаһын шәкилләрини тутараг, анти-сонист шүарлар сәсләндирмиш, Әрәб Иттифагынын Сурија бөһранында сәрҝиләдији әкс мөвгејини писләмиш вә бүтүн Ислам Үммәтиндән Сурија Дөвләтинә гаршы дејил мәһз гондарма исраил режиминин төрәтдикләри ҹинајәтләрә вә бу гондарма јәһуди режимә гаршы чыхмагларыны тәләб етмишләр.
Гәззәлиләр, сионист мүфтиси кими мәһшур олан, “шејх гәрзави”ни дә, кәскин тәнгид едәрәк, она гаршы “Нијә Фәләстинин лејһинә, исраил режиминин әлејһинә Ҹиһад Фәтвасы вермирсән?” кими шүарлар сәсләндирәрәк, өз нифрәтләринин билдирмишләр.
Тәзаһуратчылар даһа сонра билдирибләр ки, гондарма исраил режиминин Сурија дөвләтинә етдији һүҹуму, һәгигәтдә Әрәб дөвләтләринин үрәјинҹә олмасынын нишанәсидир. Лакин биз тәкид едирик: “Бу ҹүр солғун әмәлијјатлар фајдасыздыр. Сурија Дөвләти вә Сурија Халгы јенилмәз галаҹагдыр”.
Гәзәбли етиразчылар һәмчинин Сурија Дөвләтиндән азғын исраил режиминин һава һүҹумуну ҹавабсыз гојмамасыны риҹа едәрәк, гондарма Тел-Әвиви тез бир заманда һава һүҹумларына мәруз гојмасыны тәвәгге едибләр.
Диггәт: Хәбәрдән истифадә етдикдә мәнбәјә истинад лазымдыр
