Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Гум Елми Һөвзәси, Бејнәлхалг әл-Мустәфа (сәлләллаһу әлејһи вә алиһ) Академијасында тәһсил алан Азәрбајҹанлы тәләбәләр, 1 мај 2013 тарихиндә, Пејғәмбәрин (сәлләлаһу әлејһи вә алиһ) јеҝанә вариси, ики дүнја евинин зинәти, Ханым Фатимәји Зәһранын (сәламуллаһи әлејһа) мөвлуд мәрасимини кечиртдиләр.
Һөҹҹәтијә Мәдрәсәсинин Мәсҹидиндә кечирилән мәрасимин апарыҹысы, Һөҹҹәтүл Ислам Ширван Әлијев илк өнҹә Гуран тилавәти үчүн Гари Анар Мәммәдову сәһнәјә дәвәт етди. Даһа сонра чыхыш үчүн сөз Һөҹҹәтүл Ислам вәл Мүслимин Јусифи ҹәнабларына верилди .
Хәтиб, чыхышында виладәт мүнасибәти илә, Имам Заман һәзрәтләри башда олмагла онун һагг наиби Ајәтуллаһ Узма Сејјид Әли Хаменеи вә бүтүн бәшәријјәти тәбрик етдикдән сонра, Әһли-Бејтин (с) Илаһи мәгамларына тохунараг, Илаһи Һакимијјәтә башчылыг едәнләрлә шејтани һакимијјәтин башчылары арасындакы фәргләри гејд етди. Мисал олараг,Русија башда олмагла залым һакимләрин маддипәрәст олдуглары үчүн 1918 -20-ҹи илләрдә Ирана ҝәләрәк дөвләтин бүтүн әрзаг мәһсулларыны алараг, 18 милјонлуг Иран халгынын тәгрибән јарысынын аҹлыгдан гырылмагларына сәбәб олмасыны вурғулады. Амма бунун әксинә олараг Мөвла Әли (әлејһис сәлам) бујурур ки, “Мәним бүтүн дәрди-гәмим халгын рифаһда јашамағы үчүндүр”.
Һәр кәс, бу илаһи мәгама чатмаг истәјирсә, ҝәрк дүнја, мәгам, пул вә хүдпәрәстликдән узаг олуб , нәфсини тәзкијјә етсин...
Чыхышдан сонра тәләбәләрдән ибарәт илаһи нәғмәләр групу өз ҝөзәл нәғмәләри илә мәҹлиси зинәтләндирдиләр .
Сонда мәҹлис Һәзрәт Фатимә (с) еһсаны илә баша чатды
Диггәт: Хәбәрдән истифадә етдикдә мәнбәјә истинад лазымдыр
