Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнән 4 март 2013 тарихдә, Ливан Һизбуллаһ Тәшкилаты, Пејғәмбәрин (сәлләллаһу әлејһи вә алиһ) Сәһабәси, Имам Әлинин (әлејһис сәлам) ән јахын көмәкчиси Һиҹр Ибни Удеј Кәнди-нин (Ризвануллаһи Тәала әлејһ), мәзар вә гәбринин азғын террорчулар тәрәфиндән дағыдылмасыны кәскин мәһкум едән бәјанат јајымлајараг билдириб: “Ливан Һизбуллаһ Тәшкилатынын Баш Катиби, Сејјид Һәсән Нәсруллаһ ики ҝүн өнҹә, мүгәддәс мәканлара һөрмәтсизлик едиләҹәји һагда хәбәрдарлыг етмишдир. Биз бу хәбис әмәлин баш верәҹәјини өнҹәдән прогнозлашдырмышдыг ”
Бәјанатда даһа сонра дејилир: “Пејғәмбәрин (сәлләлаһу әлејһи вә салиһ) бөјүк сәһабәләриндән бири олан Һиҹр Ибни Удеј Кәндинин мәгбәрәси, Мүсәлман Аләминин нәзәриндә ән бөјүк әһәмијјәтә малик олан мәгбәрәләрдән биридир. Бу сәһабәнин гәбрини дағыдмаг, онун ҹәсәдини гәбирдән чыхардмагла она еһтирамсызлыг ҝөстәрмәк, шүбһәсиз террорчу вә ҹинајәткар дүшүнҹәнин ҝөстәриҹисидир. Онлар бир даһа сүбута јетирдиләр ки, һеч бир шејә һөрмәт бәсләмир, Ислам вә Христианлығын бүтүн мүгәддәсатларыны дәјәрсиз сајырлар”.
Даһа сонра бәјанатда дејилир: “Һизбуллаһ, мүгәддәс мәгбәрәләрә гаршы едилән һөрмәтсизлијә ҝөрә, бөјүк нараһатчылығ кечиртдијини билдирир вә бүтү мәсул шәхсләрдән өз вәзифәләринә дүзҝүн әмәл едәрәк, бу ҹинајәтә шәрик олмагдан чәкиниб, бөјүк бир фитнәнин гаршысыны алмағы тәләб едир”.
Диггәт: Хәбәрдән истифадә етдикдә мәнбәјә истинад лазымдыр
