Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Апрелин 25-дә јени јарадылан сајтлардан бири “Азадлыг” радиосунун әмәкдашы Хәдиҹә Исмајылова һагда гондарма порнографија видеосуну өз сәһифәсиндә јерләшдириб. Даһа сонра порновидео кимләр тәрәфиндәнсә Facebook сосиал шәбәкәсиндә пајлашылыб.
“Азадлыг” радиосунун әмәкдашы Хәдиҹә Исмајыл һадисәдән һиддәтләнәрәк бу антикампанијаны тәшкил едәнләри әҹлафлар адландырыб.
Х.Исмајыл она мәхсус олдуғу иддиа едилән һәмин порновидео илә бағлы өзүнүн Facebook-дакы профилиндә мүнасибәт билдириб.
Журналист видеода ҝөрүнән ханымын башга адам олдуғуну вурғулајыб.
Х.Исмајыл өзүнә гаршы јөнәлән икраһдоғуруҹу бу антикампанијада һөкумәтдәки бәзи адамлары, еләҹә дә журналист вә һүгуг мүдафиәчиси Ејнулла Фәтуллајеви иттиһам едиб:
“Әввәлҹә бу ујдурма видеону ортаја атдылар, сонра мәним адымдан ачыглама јајараг, бу һагда јазмаға башладылар. Бу бөһтанын јајылмасында һөкумәтдәки әҹлафлара көмәк едәҹәк адам Ејнулла Фәтуллајев дејилсә, бәс кимдир..? Вә бунлар һамысы мәним һүгугларымын мүдафиәси ады алтында баш верир.
Ајдынлыг ҝәтирмәк үчүн дејим ки, бу видео мәним дејил. Бу һеч монтаж да дејил, башга бир адамдыр. Мән дәгиг дејә билмәрәм ки, бу неҹә баш вериб. Ола билсин ки, бизим һөкумәт нүмајәндәләримиз аилә үзвләри илә дүнја порно сәнајесинин мәһсулларыны изләјәркән бирдән мәним охшарым олан бу порно актрисаны ҝөрәрәк бундан јарарланыблар. Ја да хүсуси кастинг тәшкил едиб, бу видеону чәкибләр.
Иддиаја ҝөрә, мән демишәм ки, бу мәним шәхси һәјатымдыр, һеч кимә дәхли јохдур. Бу исә о демәкдир ки, бунун мәнә аид олдуғуну тәсдиг едирәм.
Мән бу видео һаггында һеч бир ачыглама вермәмишәм.
Мәним шәхси һәјатымын доғрудан да һеч кимә аидијјаты јохдур. Бир ил әввәл мәни шантаж едиб, видео јајдылар, бу, мәним шәхси һәјатыма мүдахилә иди.
Бу дәфәки исә уҹуз ујдурмадыр вә кадрларын мәнә һеч бир аидијјаты јохдур”-дејә Х.Исмајыл һиддәтини ифадә едиб.
Диггәт: Хәбәрдән истифадә етдикдә мәнбәјә истинад лазымдыр
