Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Республикасында әлијевләр режими тәрәфиндән апарылан анти-Ислам сијасәтләрә етираз олараг 2012-ҹи илин 5- октјабрда Тәһсил Назирлијинин бинасы гаршысында “Һиҹаба Азадлыг!” тәләби илә кечирилән аксијада иштирака ҝөрә тутулмуш вә барәсиндә ҹинајәт иши башланмыш 32 нәфәрдән даһа бир групунун ҹинајәт иши үзрә ГОНДАРМА мәһкәмә просеси Нәриманов Рајон Мәһкәмәсиндә давам етдирилиб.
Сејмур Бағырлы, Худаверди Абдуллајев вә диҝәр 8 нәфәр тәгсирләндирилән шәхсин мәһкәмә бахышынын баша чатмасы барәдә гәрар гәбул олунуб. Даһа сонра чыхыш үчүн сөз дөвләт иттиһамчысына верилиб. Лакин о, чыхыша һазыр олмадығы үчүн просес мајын 8-нә тәхирә салыныб.
Хатырладаг ки, 2012-ҹи ил октјабрын 5-дә Тәһсил Назирлијинин бинасы гаршысында әлијевләр режиминин анти-Ислам сијасәтләринә етираз олараг “Һиҹаба Азадлыг!” тәләби илә кечирилән аксијада иштиракына ҝөрә тутулмуш шәхсләрин үмуми сајы 32 нәфәр олуб. Һәмин шәхсләрдән бир групунун иши бир мүддәт әввәл мәһкәмәјә ҝөндәрилиб. Һазырда онларын мәһкәмә просесләри давам етдирилир.
Онлар мөвҹуд анти-Ислам әлијевләр режими тәрәфиндән Ҹинајәт Мәҹәлләсинин 233-ҹү маддәси (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) илә ШӘРЛӘНИЛИБЛӘР.
Диггәт: Хәбәрдән истифадә етдикдә мәнбәјә истинад лазымдыр
