Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән азғын террорчу Саир Муса әл-Әбуд, Сурија вәтәндашларына гаршы террор вә тәхрибат актларында иштирак етмәк үчүн, Иорданијада Иордан забитләрдән мүхтәлиф силаһлардан атәш ачмаг тәлимләрини кечдијини тәсдиг етди.
Сурија Милли Телевизијасында јајымланан етирафларында террорчу Әбуд, Дера әтрафындакы Нуәјма кәндиндән олдуғуну, јараглылардан алты ајлыг иҹазә алыб, силаһлы груп лидери олан Һәсән әл-Әбду вә групдакы диҝәр үнсүрләрин јанына ҝәлдикләрини сөјләјиб. Груп капитаны тәрәфиндән бир нечә ҝүн сонра исә, һәрби тәлим алмасы үчүн ону Иорданијаја ҝөндәрдикләрини әлавә едиб.
О, Иорданијада 8 ҝүн әрзиндә мүхтәлиф силаһлар үзәрә һәрби тәлим алдығыны сөјләјәрәк, тәлимләр битдикдән сонра Дәра шәһәринә дөнүб өзүнә автомат силаһ ҝөтүрәрәк, капитан Һәсән әл-Әбдунун групунда фәалијјәт ҝөстәрдијини дејиб.
Сурија Һәрби Мәркәзләринә силаһлы басгынлар тәшкил едиб, бир груп һәрбичиләри Шәһид етдијини сөјләјән террорист, Сурија Дөвләтини бојкот етмәк үчүн јерли саһибкарлары силаһ ҝүҹү илә иш јерләрини тәтил етмәјә мәҹбур едиб, шаҝирдләри дә мәктәбләрә ҝетмәкдән чәкиндирәрәк, Сурија Милли Ордусунун тәшкил едәҹәји һүҹума гаршы баррикадалар гурмагда онлардан истифадә етдикләрини сөјләјиб.
Азғын јараглы Әбуд, вәтәндашларын јолларыны кәсдикләрини вә иш јерләринә ҝетмәләринә манеә төрәтдикләрини, бир чох шәхси вә дөвләт әмлаклары гәсб едиб оғурладыгларыны, ев вә иш јерләринә сојуб таладыгларыны, маллары өз араларында пајлашдыгларыны да билдириб.
Диггәт: Хәбәрдән истифадә етдикдә мәнбәјә истинад лазымдыр
