Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Сәудијјә Әрәбистанынын баш мүфтиси Мәсҹидул-Һарамын әразисини ҝенишләндирмәк иддиасы илә әтрафда тарихи абидәләрин сөкүлмәсинә иҹазә вериб.
Пајтахт әр-Ријадын әл-Имам Турки бин Абдуллаһ Университетиндә чыхыш едән Сәудијјә Әрәбистанынын баш муфтиси Шејх Әбдуләзиз бин Абдуллаһ Али Шејх Мәсҹидул-Һарам вә Пејғәмбәр Мәсҹидләри әтрафында тарихи абидәләрин сөкүлмәсинин зәрури олдуғуну билдириб. Мүфтинин сөзләринә ҝөрә, һәмин тарихи абидәләрин сөкүлмәсиндә һеч бир манеә јохдур, һәтта бу, зәруридир.
Баш мүфти дејиб ки, тарих боју бу ики јер даһа да ҝенишләндирилиб, Али-Сәуд һакимијјәти дөврүндә просес ҝүҹләндирилиб. Буна ҝөрә дә һәр ил милјонларла һаҹынын бу ики мүгәддәс мәканы зијарәт етмәси мүмкүн олуб.
Билдирәк ки, Мәсҹидул-Һарам вә Мәсҹидун-Нәби әтрафында апарылан ҝенишләндирмә ишләри нәтиҹәсиндә Пејғәмбәр вә Имамлар дөврүнә тәсадүф едән бир чох тарихи абидәләр сөкүлүб.
Диггәт: Хәбәрдән истифадә етдикдә мәнбәјә истинад лазымдыр
