Әһли Бејт (әлејһимус сәлам) -АБНА- Хәбәр Аҝентлијини- Бу ҝүн Азәрбајҹан һәбсханаларында јүзләрлә ҝүнаһсыз инсан јалныз күбар бир аиләнин һакимијјәти алтында јашамаг истәмәдији, онларын әркөјүнлүкләринә дөзмәдији, онларын ҹинајәтләринә ҝөз јуммадығы үчүн ҹәмијјәтдән тәҹрид едилиб.
Дүнја билир ки, бу һакимијјәт, әслиндә мафиоз груплашма халгын һесабына јағ-бал ичиндә үзүр. Азәрбајҹан варлы өлкәдир. Онун јералты вә јүрүстү сәрвәтләри һәр бир азәрбајҹанлынын нормал јашамасы үчүн бәс едир. Амма бүтүн бу сәрвәт бир аилә вә онун нөкәрләри тәрәфиндән мәнимсәнилдикдә һәмин халгын һәјаты зәһәрә дөнүр. Өлкәдә ҝәрҝинлик, наразылыг артыр, коррупсија әршә дирәниб, интиһарда биринҹи јерә иддиалыјыг. Бәли, бир овуҹ аллаһсыз крал һәјаты јашајыр, милләт ҹан верир.
Әлијевләрин ҹинајәтләри кимсәјә сирр дејил...
-Авропа Шурасы Парламент Ассамблејасынын Азәрбајҹанда сијаси мәһбуслар үзрә мәрузәчиси Кристофер Штрассерин һазырладығы һесабата ҝөрә Гәрбдә Азәрбајҹан һакимијјәтинин гејри-леҝитим олмасындан истифадә едиб варланмаг истәјән бир груп үчүн Ылһам Әлијев вә онун јахын командасы вар-дөвләт мәнбәјинә чеврилиб. Бу да Азәрбајҹанда сијаси мүһитин буланмасынын ҹидди сәбәбләриндән бири олуб.
-АБШ президенти Обама ачыг бәјан етди ки, Американын разылығы олмадан Ысраиллә Ырана гаршы бирләшән дөвләтләр доғру јолда дејилләр. Елә бу ачыгламадан ики ҝүн сонра Ысраил вә Гәрб медиасында јазылды ки, Азәрбајҹанын ҹәнуб бөлҝәсиндә шәрти ады “Азәрбајҹан” олан Ысраил һәрби базасы јарадылыр.
-Бакыда јүзләрлә сакинин еви сөкүлдү, мүлкү әлиндән алынды. Бир сөзлә, бу просес о һәддә чатды ки, һәтта тәгаүд фондунун ики ајлыг пулу бура хәрҹләнди. Бүтүн бунларын әсас сәбәбкары ганунлары тапдаг алтына атан Әлијевләрин аилә һакимијјәтинин бизнес мараглары иди.
-Азәрбајҹан һакимијјәти һәлә дә ајдынлашдыра билмәјиб ки, Елшад Абдуллајевин јајдығы видеолар кабусдур, јохса ҝерчәк? Ылһам Әлијев, Рамиз Меһдијев, Рамил Усубов, Елдар Маһмудов, Вилајәт Ејвазов башда олмагла, ири вә орта ранглы мәмурларын, сијасиләрин депутат мандаты алвери, адам оғурлуғу вә гәтли мәсәләләриндә ады һалланды. Вә бүтүн бунлар видео-сөһбәтләрлә тәсдигләнди.
-2012-ҹи илдә Әлијев әввәлҹә МДБ дөвләт башчыларынын саммитинә гатылмады. Азәрбајҹан Русијаја су гијмәтинә иҹарәјә вердији Гәбәлә РЛС-ин иҹарә һаггыны 7 милјондан 300 милјона галдырды. Русија исә бу тәклифи рәдд етди вә РЛС-дән имтина етди.
Бүтүн бунлар һәм дә Русијада Азәрбајҹанын ән танынмыш милјардерләринин Ылһам Әлијев әлејһинә бир тәшкилат јаратмасы әрәфәсиндә баш верди.
-МТН-нин өлкәни тәрк етмиш әмәкдашы ачыглады ки, бир мүддәт әввәл Нахчыванда хүсуси хидмәт органларынын рәсми бинасында һәјатыны итирән Тураҹ Зејналов өлдүрүлүб. Ону асараг, ишҝәнҹә илә гәтлә јетирибләр. Нахчыван аеропортунда ишләјән Тураҹ һансыса мәхфи сәнәдләри ҝөрүб, бу типли һадисәләрә шаһид олуб.
-Мандат алвериндә шаһид кими иштирак етмиш Севинҹ Бабајева Ыстанбулда шүбһәли шәраитдә өлдү. Севинҹ Бабајева Рамиз Меһдијевин Елшад Абдуллајевдән алдығы пуллары сајмағына белә, шаһид олан, ики мүхтәлиф паспорт вә кимлик әлдә етмәк дәрәҹәсиндә мәхфи имканлара малик олан шәхс кими, бу просесдә мүһүм һәлгәләрдән бири иди. Түркијә вә Азәрбајҹан медиасында онун дүнјасыны неҹә дәјишмәсилә бағлы ҹидди шүбһәләр олдуғу јазылыр. “Мафија шаһид сахламыр”, амма мәрһумәнин сонунҹу шаһид олмадығы да ортададыр.
* * *
Бүтүн бу ҹинајәтләрин фонунда Аилә ејш-ишрәтдәдир. Һејдәр Әлијев Фондунун Президенти Меһрибан Әлијева Парисдә Азәрбајҹанла бағлы сәрҝијә гатылыб. Бу һәмин ермәнипәрәст Парисдир! Ҝөзләр кор ола ҝөрмәјә!
“Јарат!” Мүасир Инҹәсәнәт Мәканы Азәрбајҹан инҹәсәнәти илә бағлы һәјата кечирилән лајиһәләрин давамы олараг даими тәрәфдашы Һејдәр Әлијев Фонду илә бирликдә апрелин 18-дә Парисин мәркәзиндә јерләшән Азәрбајҹан Мәдәнијјәти Мәркәзиндә мүасир Азәрбајҹан инҹәсәнәтинә һәср олунан "Һоме, сwеет һоме" ("Доғма ев") мөвзусунда сәрҝи тәшкил едилиб. Сәрҝидә 25 рәссамын 90 әсәри нүмајиш етдирилир. Тамашачылар Лејла Әлијева, Аида Маһмудова, Мүсејиб Әмиров, Вүгар Мурадов, Ситарә Ибраһимова, Алтај Садыгзадә, Фәхријјә Мәммәдова, Фидан Сејидова, Фәрид Рәсуловун вә диҝәрләринин мүасир вә миниатүр әсәрләри илә таныш олмушлар. Сәрҝидә Лејла Әлијеванын "Бејин", Аида Маһмудованын "Јенидән емал" ("Реҹјҹле"), Алтај Садыгзадәнин "Пилләкәнин башында", Фәрид Рәсуловун "Аноним" әсәрләри хүсуси марагла гаршыланыб.
Сәрҝини ачан Азәрбајҹанын Франсадакы сәфири Елчин Әмирбәјов бу сәрҝинин мүхтәлиф мәдәнијјәтләрин вә сивилизасијаларын арасында јерләшән Азәрбајҹан мәдәнијјәти вә зәнҝин дәјәрләрини франсызлара јахындан танытмаг мәгсәдилә тәшкил едилдијини, сәрҝинин мәдәнијјәт мәркәзиндә Азәрбајҹанын биринҹи ханымы, Һејдәр Әлијев Фондунун президенти Меһрибан Әлијеванын иштиракы илә илк дәфә нүмајиш етдирилдијинә диггәт чәкмишдир. Сәфир гејд етмишдир ки, Азәрбајҹан мәдәнијјәтинин хариҹи өлкәләрдә, о ҹүмләдән Франсада таныдылмасы истигамәтиндә Меһрибан ханым Әлијеванын мүстәсна ролу вардыр.
"Јарат" Мүасир Инҹәсәнәт Мәканынын тәсисчиси Аида Маһмудова рәһбәрлик етдији гурумун Һејдәр Әлијев Фондунун тәрәфдашлығы илә тәшкил олунан "Доғма ев" адлы сәрҝинин фәалијјәти барадә сөз ачмыш, сәрҝинин Азәрбајҹанын ҝәнҹ рәссамларынын әсәрләрини дүнјаја чатдырмаг мәгсәди дашыдығыны, тәшкилат тәрәфиндән артыг бир нечә белә сәрҝинин артыг Русија, Италија, Бирләшмиш Әрәб Әмирликләриндә тәшкил едилдијини диггәтә чатдырмышдыр.
Сәрҝидә Франсанын дөвләт вә һөкумәт рәсмиләри, сенаторлар вә депутатлар, иҹтимаијјәт нүмајәндәләри, Парисдә аккредитә олунмуш дипломатик корпусун әмәкдашлары, диаспорумузун тәмсилчиләри, јерли вә хариҹи күтләви информасија васитәләринин нүмајәндәләри иштирак едибләр.
