Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән мәһз әлијевләр режиминдә Мәсҹидафобија өзүнүн јени мәрһәләсинә гәдәм гојуб. Белә ки, Мәсҹидлә саваша галхмыш әлијевләр Јасамал рајонундакы “Муһәммәд (сәлләлаһу әлејһи вә алиһ) Мәсҹиди”н, Нефт Дашларындакы Мәсҹиди дағыдараг јерлә јексан етдикдән сонра, Ҝүнәшли гәсәбәсиндә јерләшән “Ханым Фатимәји Зәһра” (сәламуллаһи әлејһа) Мәсҹидини дағытмаг истәдикдә Диндарларын мүгавимәти илә үзләшди. Белә һалда мөвҹуд режим, һијләјә әл атараг “Ханым Фатимәји Зәһра” (сәламуллаһи әлејһа) Мәсҹидини “тәмир” ады илә халгын үзүнә бағлады. Артыг бу һадисәдән дөрд ил өтүр. “Ханым Фатимәји Зәһра” (сәламуллаһи әлејһа) Мәсҹиди һәлә дә бағлыдыр...
Амма бунун мүгабилиндә исә, Ермәнистан Ирәванда јерләшән Ҝөј Мәсҹидин UNESCO -ун Үмумдүнја мәдәни ирс сијаһысына дахил едилмәси үчүн тәшкилата әризә тәгдим етмәк нијјәтиндәдир.
Буну Ермәнистан мәдәнијјәт назири сәлаһијјәтләрини иҹра едән Асмик Погосјан Иран Ислам Республикасынын Ислами Иршад вә Мәдәнијјәт Назири Сејид Мәһәммәд Һүсејни илә 2013-2016-ҹы илләри әһатә едәҹәк мәдәнијјәт саһәсиндә икитәрәфли әмәкдашлыг програмынын имзаланма мәрасиминдән сонра кечирдији мәтбуат конфрансында билдириб.
А.Погосјанын сөзләринә ҝөрә, ермәни тәрәфи бу ишини һәјата кечирмәк үчүн Иран Ислам Республикасындан мүтәхәссисләр дәвәт едиб.
Гејд едәк ки, Ҝөј Мәсҹид 1766-ҹы илдә, Иран Иператорлуғунун Ирәван Ханы Һүсејнәли Хан Гаҹар тәрәфиндән инша едилиб. 1945-ҹи илдә Мәсҹидин дөрд минарәсиндән үчү комунистләр тәрәфиндән сөкүлүб. Һазырда Мәсҹид Ермәнистанда Иран Ислам Республикасы Иҹмасынын Мәдәнијјәт Мәркәзләриндән бири кими фәалијјәт ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
