Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Апрелин 11-дә илаһијјатчы Тале Бағыровун ики мәһкәмәси олаҹаг.
Вәкил Ҹавад Ҹавадов дејиб ки, саат 11-дә Сабунчу Рајон Мәһкәмәси полис идарәсиндә Тале Бағырова ишҝәнҹә верилмәси, тутулма заманы мүдафиә һүгугунун позулмасы илә бағлы мүраҹиәтә, саат 15-дә исә Бакы Апеллјасија Мәһкәмәси һәбс гәтимкан тәдбириндән верилән шикајәтә бахаҹаг.
Вәкил билдириб ки, апрелин 9-да Тале Бағыровун евиндә ахтарыш кечирилиб: “Ахтарышда диггәт чәкән һеч нә тапылмајыб”.
Гејд едәк ки, Тале Бағыров мартын 31-дә Сабунчу Рајон Полис Идарәсинин әмәкдашлары тәрәфиндән гәсәбә әразисиндәки “АБУ Петрол” јанаҹагдолдурма мәнтәгәсинин јахынлығында тутулуб. әлијевләр режиминин полисләри әнәнәви олараг, бу дәфә дә, ҝүнаһсыз мәһкумун ҹибинә 1,026 грам һероин атыблар. Апрелин 2-дә Сабунчу Рајон Мәһкәмәси илаһијјатчы һаггында ики ајлыг һәбс гәтимкан тәдбири сечиб. О, Ҹинајәт Мәҹәлләсинин 234.1-ҹи маддәси илә (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) ШӘРЛӘНИЛИР.
Диггәт: Хәбәрдән истифадә етдикдә мәнбәјә истинад лазымдыр
