Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән 03 Апрел 2013 тарих, саат 15:00 радәләриндә Сәуди Әрәбистанын Шәрг әјаләти , Гәтифдә компакт јашајан Шиәләр “Нәмр Гәләбә Чалаҹаг” шүары илә, шәһәрин мәркәзиндә мөһтәшәм аксија кечирдиб.
Әрәбистанын Шиә Фәаллары, бу барәдә хәбәр верәрәк билдирибләр: “Шәһәрин мәркәзи хијабаны олан әл-Сөврә хијабанында, 5000-дән артыг инсан топлашараг, Әрәбистанын ән Ҝөркәмли, Нүфузлу, Мүбариз Руһаниси Шејх Нәмр Багирул Нәмр ҹәнабларындан һимајәт етдикләрини вә һәмчинин зинданлара салынмыш диҝәр сијаси фәалларын да тезликлә азад едилмәләрин тәләб етмәк мәгсәди илә, мөһтәшәм аксија кечирибләр”.
Гәзәбли аксија иштиракчылары, вердикләри шүарларда, Али Сәуд режиминдән, Шејх Нәмр ҹәнаблары башда олмагла, бүтүн сијаси фәаллара зәррә гәдәр зәрәр дәјмәмәси һаггда хәбәрдарлыг едәрәк, режим тәрәфиндән шәһид едилмиш Гәтиф ҹаванларынын гисасларыны јердә гојмајаҹагларыны билдирибләр.
Диггәт: Хәбәрдән истифадә етдикдә мәнбәјә истинад лазымдыр
