Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Республикасында мөвҹуд һакимијјәт анти-Ислам сијасәтләринин давамы олараг, диндар кәсимә гаршы нөвбәти РЕПРЕСИЈА ДАЛҒАСЫ-на старт вериб. Белә ки, Һаҹы Тале Бағыров, дүнән ҝүнорта саатларындан сонра мүәммалы шәкилдә јоха чыхыб.
Бу ҝүн исә, Азәрбајҹан Республикасынын Дахили Ишләр Назирлијинин сајтында илаһијјатчы Тале Бағыровун тутулмасы илә бағлы рәсми мәлумат јајылыб.
Мәлуматда дејилир ки, ҜҮЈА Сабунчу Рајон Полис Идарәсинин “әмәкдашлары”нын кечирдији “әмәлијјат-ахтарыш тәдбирләри” нәтиҹәсиндә гәсәбә әразисиндәки “АБУ Петрол” јанаҹагдолдурма мәнтәгәсинин јахынлығында Бакы шәһәр сакини Анар Мәликовдан 1 әдәд “Макаров” маркалы тапанча, 4 әдәд патрон вә 1 әдәд бычаг, һәмјерлиси Тале Бағыровдан исә 1,026 грам һероин ҝөтүрүлүб.
Биз АБНА олараг билдирик ки, 20% торпаглары ермәни ишғалчыларынын тапдаг алтында олан Азәрбајҹанда, режим структурлары тәрәфиндән, Исламчылара гаршы давам етдирилән белә бир мәнфи сијаси ојунбазлыға сон гојулсун.
Биз дүшүнүрүк ки, Азәрбајҹан рәсмиләри гәбул етдикләри конститусијаја ујғун олараг, башда Ислам дини олмагла бүтүн саһәләрдә, игтисади, сосиал, вә сијаси саһәләрдә гнуни аддымлар атмалы вә атдыглары һәр бир аддымларында өз ҝәләҹәк агибәтләрини дүшүнмәлидирләр.
Биз гејд едирик ки, Азәрбајҹан рәсмиләри, бир даһа ҝеријә, халгын јанына дөнәрәк, башда Тале Бағыров олмагла, бүтүн виҹдан мәһбусларыны вә өзәлликлә Азәрбајҹан Ислам Партијасынын Лидери Доктор Мөвсүм Сәмәдову азад етсин.
Сөзсүз ки, хош вә ҝөзәл агибәт тәгва әһли үчүндүр!
Диггәт: Хәбәрдән истифадә етдикдә мәнбәјә истинад лазымдыр
