Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Шәнбә ахшам тәшкил едилән бејнәлхалг конгресдә чыхыш едән Иран Ислам Республикасынын Бәсиҹ (сәфәрбәрлик) Тәшкилаты Башчысы Ҝенерал Мәһәммәд Рза Нәгди, Американын ИИР әлејһинә төрәтдији ҹинајәтләрә ишарә едәрәк, Иран милләти әлејһинә төрәтдији ҹинајәтләри өрт-басдыр етмәк истәјән Американын сахта дипломатик диалогдан бәһс етдијини билдириб.
Бәсиҹ (сәфәрбәрлик) Тәшкилаты Башчысы Ҝенерал Нәгди, Обаманын “иш” башына ҝәлдији ҝүндән бәри өлкәсинә вердији “дәјишиклик” сөзүнүн һеч бирини јеринә јетирмәдијини билдирәрәк дејиб: “АБШ тарихинин ән мүнафиг президентин Обамадыр. Јаддан чыхартмамалыјыг ки, нүвә мәсәләсиндә Түркијә вә Бразилијанын васитәчилик ҹәһдинин мәһз Америка рәһбәрлији тәрәфиндән балталанмышдыр”.
Иран Ислам Республикасынын Бәсиҹ (сәфәрбәрлик) Тәшкилаты Башчысы, Обаманын Новруз месажынада ишарә едәрәк, онун сахта олараг Фарсҹа данышдығыны, лакин тәтбигдә исә Ибраниҹә данышараг јәһуди дили илә даврандығыны әлавә едиб.
Дүнја Мүсәлманларынын Али Лидери, Ислам Ингилабы Рәһбәри Имам Хаменеи тәрәфиндән Һиҹри Шәмси тарихи илә 1392 илин Сијаси вә Игтисади ингилаб или олараг адландырылмасыны хатырладан ҝенерал Нәгди, бу илдә јашанаҹаг ән бөјүк сијаси ингилабда Американын гурдуғу сахта императорлуғун мәһв олаҹағыны билдириб.
Диггәт: Хәбәрдән истифадә етдикдә мәнбәјә истинад лазымдыр
