Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Губа сојгырымы експедисијасынын рәһбәри, Азәрбајҹан Милли Елмләр Академијасынын Археолоҝија вә Етнографија Институтунун апарыҹы елми ишчиси Гәһрәман Ағајев билдириб: “Ермәниләрин 1918-ҹи илдә мүсәлманлара гаршы төрәтдији сојгырымын сүбуту олан Губа мәзарлығындакы сүмүкләр һерметик шүшә алтына салынаркән 2007-2008-ҹи илләрдә бахымсызлыг үзүндән дағлмыш ичи инсан сүмүкләри илә долу олан гујудакы сүмүкләр дә јенидән өз јерләринә гојулаҹаг”.
О дејиб ки, Азәрбајҹан тарихи үчүн чох әһәмијјәтли олан Губа мәзарлығы 2007-ҹи ил апрелин 1-дә ашкарланыб. Саһәси 514 квадратметр олан мәзарлығын тәдгигатлар апарылмыш 494 квадратметр әразисиндә ичи инсан сүмүкләри илә долу олан 2 гују вә 2 арх ашкарланса да, һәмин гујулардан бири бахымсызлыг үзүндән 2007-2008-ҹи илдә дағылыб. Анҹаг һәмин сүмүкләр дағылмыш гујунун иҹиндән чыхарылараг мәзарлыгда горунуб сахланылыр, гујунун ичи исә тәмизләниб.
Експедисија рәһбәринин сөзләринә ҝөрә, апрел ајындан мәзарлығындакы сүмүкләрин горунмасы үчүн онларын һерметик шүшә алтына салынмасы ишләринә башламаг нәзәрдә тутулур. Бу ишләр тәхминән 1 ај давам едәҹәк. Мәзарлыгдакы сүмүкләрин һерметик шүшә алтына салынмасы иши үмимиликдә тәхминән 2 аја јекунлашаҹаг.
Ағајев гејд едиб ки, сүмүкләр һерметик шүшә алтына салынаркән вахтилә онун иҹиндә олмуш сүмүкләр дә јенидән онун иҹинә гојулаҹаг вә һәмин јер һерметик шүшә алтына салынаҹаг.
Диггәт: Хәбәрдән истифадә етдикдә мәнбәјә истинад лазымдыр
