Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Партијасы бу ил кечириләҹәк Президент сечкисинә гатылмагла бағлы бәјанат јајыб.
Бәјанатда дејилир:
2013-ҹү ил Азәрбајҹан халгынын талејиндә һәлледиҹи президент сечкиси илидир. Азәрбајҹан Ислам Партијасы ҝениш сосиал базасындан мүсәлман халгымызын мөһкәм ирадә вә сағлам әгидә ҝүҹүндән сәмәрәли истифадә етмәклә сарсынтыларла долу иҹтимаи һәјатда көклү дөнүш јаратмағы гаршыја мәгсәд гојмушдур.
Һесаб едирик ки, һәр һансы бир халгын мәхсус олдуғу дөвләтин дајаныглы олмасы үчүн мүһүм шәртләрдән олан милли тәфәккүр вә халгын дини әгидәсидир. Мәгсәдимиз бу амилләрин заһири ҝөрүнтүләри илә дејил, реал әмәлләр вә әхлаги кејфијјәтләрдә өз әксини тапмасына наил олмагдыр. Шүбһәсиз ки, дөвләтин етибар олундуғу һаким зүмрәдә ләјагәт вә фәзиләт саһибләри ирәли чәкилмәјинҹә, халга азад сечим верилмәдикҹә мәнсәбпәрәстләр, рүшвәтхорлар, милли, дини тәәссүбкешлији олмајанлар мәсул постларда рүтбә, чин саһиби олар, дөвләти һәр ан тәһлүкә гаршысында гојар, дөвләтчилији шәхси марагларынын ҝүдазына верәрләр.
Бу ҝүн ҹәмијјәт үчүн зәрури мәсәләләр ирәли ҝәлиб. Бу, халгын сечәҹәји дөвләт башчысы үзәриндә вә дөвләтин халг үзәриндә һаггынын ләјагәтлә, јүксәк әхлаги кејфијјәтләрлә јеринә јетирилмәсинин ваҹиблијидир. Һесаб едирик ки, халгын рәһбәр, рәһбәрин халг үзәриндә һаггы јеринә јетириләрсә, һәр кәсин һаггы иззәт тапаҹаг, әдаләт, әхлаг нишанәләри бәрпа олунар, ганунлар дүзҝүн иҹра едиләҹәк. Мәһз бу амилләр довләтин мөһкәм вә давамлы олмасыны тәмин едәр, дүшмәнләри исә һаггымызда арзуларына чатмагда мәјус гојар. Биз дөвләтимизә милли мәнәвијјатымыз вә Ислами гүрур кими бир мәнәви һасар чәксәк, нә мәғлубијјәт биләрик, нә дә сәрвәтимиз таланар. Азәрбајҹан халгынын мөһкәмлији, бирлији вә вәһдәтинин әсас мәнбәји онун даими марагларына хидмәт едән јахшы сијасәтдир. О сијасәт ки, онун да мејары әдаләтдир. Һәр һансы бир ҹәмијјәтин иффәт, мәнәви паклыг, әдәб, сәхавәт вә мүдриклији о хилгәтә рәһбәр олан шәхсин ејни хисләтләрә малик олмасы илә чох бағлыдыр.
Торпагларымыз ишғал алтындадыр. Ҹәмијјәтимиздә исә објектив олан данышанлар, нөгсанлары тәнгид едәнләр һәбсә алыныр. Дүшмәнә гаршы әндазәсиз сәбр, иманлы инсанлара, мәнәви кејфијјәтләрин дашыјыҹыларына гаршы исә дөзүмсүзлүк ҝөстәрилир. Бу зиддијјәти јалныз әхлаглы вә әдаләтли сечки кечирмәклә арадан галдырмаг олар. Бу ҝүн Азәрбајҹан ҹәмијјәтиндә, халгымызын өвладлары арасында рәһбәр сечимини кәнар гүввәләр апармаг истәјир. Бејнәлхалг сионизмин өлкәмиздәки үнсүрләри Азәрбајҹанда дөвләт башчысынын сечиминин онлардан асылылығыны етираф етмәкдән чәкинмир, халгымызын хүсусән дә онун фәдакар исламчы тәбәгәсинин ҝүҹләнмәсинин гаршысынын алынмасыны, һәтта АБШ-ын стратежи тактикасы вә әсас вәзифәси олдуғуну һәјасызҹасына елан едирләр. Онлар баша дүшмүрләр ки, залымлар батил әмәлләрини сонадәк мүдафиә едә, горуја билмәзләр. Тәки халгымыз өз һаггыны горумагда сүстлүк етмәсин. Гурани-Кәримдә дејилир ки, бир гөвм өз һалыны дәјишмәсә, Аллаһ да онун һалыны дәјишмәз. Диҝәр бир һәдисдә дејилир: “Сизләр неҹә олсаныз, сизә еләҹә дә һөкмранлыг едиләҹәкдир”.Әслиндә һакимијјәтин зәиф вә горхаглығы һәтта ҝүнаһы олмајанлары ондан горхмаға мәҹбур етмәкдир. Буна мәһәл гојмајыб сөзүнү дејәнләри исә зинданлара салмагла ҹәмијјәтдән тәҹрид едир, бунунла да халгын мүгавимәт ҝүҹүнү зәифләдир. Бундан исә јалныз хариҹи дүшмәнләр јарарланыр, һәтта торпагларымыз вә милли сәрвәтләримизи ишғал етмәк һәддинә гәдәр ҹәсарәт едирләр.
Бу ҝүн зәрурәт јаранмышдыр ки, рузиҝарын чәтинлијинә ҝөрә умаҹағы олмајан, ән чох дөзүмә малик олан, дүшмәнә гаршы мүбаризәдә өлүмә белә өзүнү һазыр билән инсанлар дөвләт вә халгын талејиндә һәлледиҹи мәсәләләрдә мөвге сәрҝиләсин, бу мөвгејә ҹәмијјәт өнәм версин.
Һесаб едирик ки, ҹәмијјәтин ән бөјүк бәласы үмидсизликдир. Өтән 20 ил әрзиндә һазырки игтидарда тәмсил олунанлар бөјүк үмидләри доғрултмадылар. Вәтәнимиз јенә дүшмән тапдағы алтында, сәрвәтимиз таланмагдадыр. Халг мутилијә, әләбахымлыға сүрүкләнмәкдәдир. Ону бу бәлалардан гуртармағын вахты јетишиб. Илләр белә бир гүввәни јетишдириб. Бу гүввә өлкә ганунларына, конститусијасына, милли-мәнәви, дини дәјәрләрә еһтирам вә һөрмәтлә јанашан, әмәли фәалијјәтиндә бунлары ләјагәтлә иҹра едән әгидә саһибләри “Исламчылардыр”. Мәһз Азәрбајҹан Ислам Партијасынын Президент сечкиләринә гатылмагда мәгсәд вә мәрамы ҹәмијјәтимизә јахшы ишләри тәблиғ вә тәлим етмәк, писләрдән ону узаглашдырмаг вә онлары тәрк етдирмәкдир. Гәләбә бизимләдир, еј мөмүнләр! Бирләшин!
Диггәт: Хәбәрдән истифадә етдикдә мәнбәјә истинад лазымдыр
