Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Хариҹи Ишләр Назири Ҹәнаб Әли Әкбәр Салеһи, Бирләшмиш Милләтләр Тәшкилатынын Катиби Пан Ҝи Муна үнванладығы мәктубда, БМТ-дән, Суријадакы силаһлы үнсүрләрин кимјәви силаһлардан истифадә етдикләрини мәһкум етмәкләрини тәләб едиб.
Ҹәнаб Әли Әкбәр Салеһи, 19 март 2013 тарихдә, азад Сурија ордусу адлы террор груплашмалары тәрәфиндән, Суријанын Һәләб шәһәриндә кимјәви силаһлардан истифадә едәрәк, јүзләрлә ҝүнаһсыз инсанларын шәһид вә јараланмасына сәбәб олан ҹинајәтә ишарә едәрәк билдириб: “Јараглыларын бу аддымы, бејнәлхалг аләмдә гәбу олунан һүгуг нормаларынын, хүсуси илә дә, Кимјәви Силаһларын гадаған едилмәсинә даир гәбул едилмиш Конвенсијанын ашкар сүрәтдә нәгз едилмәси вә бүјнәлхалг аләмдә сүлһ вә тәһлүкәсизлијә гаршы бөјүк бир тәһлүкәдир”.
Иран Ислам Республикасынын Хариҹи Ишләр Назири даһа сонра Пан Ҝи Муна үнванладығы мәктубда билдириб: “Иран Ислам Республикас, гејд олунан ҹинајәт илә бағлы, тез бир заманда истинтаг групунун јарадылмасыны вә истинтаг групунун гәрәзсиз арашдырмалар апарараг, зәһәрли силаһлар вә кимјәви маддәләр илә террорчулары тәҹһиз едән өлкәләри тапыб, ән ағыр ҹәзаларла мәһкум етмәсини истәјир”.
Диггәт: Хәбәрдән истифадә етдикдә мәнбәјә истинад лазымдыр
