Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән ҸПЖ рәһбәри Илһам Әлијевә өлкәдә журналистләрин һәбси илә бағлы ачыг мәктуб јазыб.
Һөрмәтли, ҹәнаб президент
Журналистләри Мүдафиә Комитәси Азәрбајҹанда мәтбуат азадлығынын вәзијјәтинин писләшмәсини диггәтинизә чатдырыр вә билдирир ки, бу, сизин өлкә һөкумәтинин мәтбуат азадлығы вә инсан һүгуглары үзрә өһдәликләрини позур, өлкәнин бејнәлхалг имиҹинә зәрбә вурур, сизин јенидән сечилмәји планлашдырдығыныз гаршыдакы президент сечкиләринин шәффафлығына әнҝәл төрәдир.
Биз сизи бу тенденсијаны дәјишмәјә вә мәтбуата сәрбәст, азадлыгдан мәһрум едилмәкдән, һүҹумлардан вә ја мәһкәмә иддиаларындан горхмадан бу барәдә јазмаға имкан верәсиниз.
Сиз вә администрасијадакы вәзифәли шәхсләр ачыг шәкилдә билдирибләр ки, Азәрбајҹан демократик өлкәдир, вәтәндашларын һүгуг вә азадлыгларына дөвләт тәрәфиндән зәманәт верилиб. Сиз һәмчинин тез-тез мәтбуата басгылары писләмисиниз вә журналистләрин һәбс олундуғуну инкар етмисиниз.
Бунунла белә, ЖМК буну әксини һесаб едир: сизин өлкәдә мәтбуат азадлығы аб-һавасы сизин вә мәмурларынызын тәсвир етдикләриндән чох писдир. Әввәлкитәк һөкумәт ону тәнгид едән журналистләри һәбс едир, прокурорлар журналистләрә һүҹумлары арашдырмыр, мәһкәмәләр бөһтан иттиһамы мүстәгил КИВ-и ҹәримә едир.
Ганунвериҹиләр јерли ГҺТ-нин бејнәлхалг малијјәләшдирилмәсини мәһдудлашдырмаға ҹәһд ҝөстәрир вә Интернетдә сөз азадлығынын гаршысыны алмаг истәјирләр.
Арашдырмаларымыз ҝөстәрир ки, бу репрессијалар бир ил әввәл – Бакынын ики бөјүк бејнәлхалг тәдбири – Еуровисион маһны мүсабигәси вә Интернет Идарәчилији үзрә Форуму кечирдији вахтдан артыб.
Бејнәлхалг тәзјигләрә бахмајараг, Азәрбајҹан һакимијјәти һөкумәтдәки коррупсија вә инсан һүгугларынын позулмасы илә бағлы мәлумат верән журналистләри һәбсә алмагда давам едир. Редакторлар да дахил олмагла, 9 журналист һәбсдә сахланылыр: Әвәз Зејналлы, Һилал Мәммәдов, Араз Гулијев, Ниҹат Әлијев һәмчинин Вүгар Гонагов, Заур Гулијев. Бундан башга журналистләр Фуад Һүсејнов, Фәрәмәз Новрузоғлу (Аллаһвердијев) вә Тофиг Јагублу һәбсдәдир.
Онларын әксәријјәти сијасиләшдирилмиш иттиһамлар – наркотик маддә сахланмасы, хулиганлыг, пул тәләб етмә вә вәтәнә хәјанәт үзрә һәбс олунуб.
2012-ҹи ил декабрын 1-нә олан мәлумата ҝөрә, Азәрбајҹан һәбс олунмуш журналистләрин сајына ҝөрә икинҹидир.
Азәрбајҹан мәһкәмәси Әвәз Зејналлыны 9 ил азадлыгдан мәһрум едиб. Диҝәр танынмыш редакторун да сизин мәмурларын әли илә азадлыгдан мәһрум едилмәси ҝөзләнилир.
Мүхалифәтдә олан “Азадлыг” гәзетинин редактору бу гәзетдә дәрҹ олунмуш мәгаләјә ҝөрә ики вәзифәли шәхсин иддиасы әсасында бөһтанда иттиһам олунур.
Г.Заһидов 2008-ҹи илдә дә журналист фәалијјәтинә ҝөрә зәрәр чәкиб, дөрд ил азадлыгдан мәһрум едилиб, президент әфвиндән әввәл бу мүддәтин јарыдан чохуну чәкиб.
Г.Заһидова гаршы һүҹум онун гәзетинә тәзјигләрлә үст-үстә дүшүр. Сон ајлар бир нечә мәһкәмә “Азадлыг” гәзетини јерли мәмурлара бөһтана ҝөрә үмумиликдә 62000 манат ($ 79 минә јахын) ҹәримә едиб.
Диҝәр мүхалифәт гәзети “Јени Мүсават” да дөвләт ширкәтинин аналожи иддиасы. Дөвләт ширкәти зәрәрин өдәнилмәси үчүн гәзетдән 1 млн. манат тәләб едир.
Журналистләрә гаршы зоракылыглар бу ил дә давам едир: “Зеркало” гәзетинин журналисти Рәшад Рүстәмов мартын 2-дә Дашкәсәндә һүҹума мәруз галыб, дөвләт мәмурлары тәрәфиндән дөјүлүб.
Өлкә ганунвериҹилијинә дәјишикликләр Интернетдә ифадә азадлығынын мәһдудлашдырылмасына ҝәтириб чыхараҹаг вә јерли вәтәндаш ҹәмијјәтинин ишинә әнҝәл төрәдәҹәк.
Репортјорларын Азадлығы вә Тәһлүкәсизлији Институту бәјан едиб ки, Азәрбајҹан ганунвериҹиләри ушагларын зәрәрли контентдән мүдафиәси бәһанәси илә онлајн-контент сензураны тәтбиг етмәјә чалышырлар. Лакин һөкумәтин белә һүгуги аләтләри вар вә нөвбәти мәһдудијјәтләр үчүн зәрурәт јохдур.
Мәтбуат Шурасы комиссијасынын әли илә тәнгидчи мүстәгил хәбәр аҝентликләринин блокланмасы еһтималы вар.
Ҹәнаб президент, бу позунтулар сизин өлкәнизин бејнәлхалг имиҹинә ләкәдир вә Азәрбајҹаны дүнјада мәтбуат азадлығыны боған ән пис өлкәләр сырасына чыхарыр.
Сиздән хаһиш едирик ки, өз һүгугларыныздан истифадә едәрәк 9 журналисти һәбсдән азад едәсиниз.
Биз һәмчинин сизи тәнгидчи КИВ-ә гаршы сијасиләшдирилмиш иддиалардан имтина етмәјә, Интернет вә ја мәтбуата әлавә мәһдудијјәтләр гојан истәнилән һәрәкәтләрә вето гојмаға чағырырыг.
Һөрмәтлә, Ҹоел Сајмон
Диггәт: Хәбәрдән истифадә етдикдә мәнбәјә истинад лазымдыр
