Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ираг Республикасы Дијалә әјаләтинин әл-Ихлас шәһәрҹијинин валиси Удеј әл-Хидран “Сумәријјә Нјуз” хәбәр порталына вердији ачыгламада билдириб: “Ираг Тәһлүкәсизлик Назирлијинин әмәкдашлары тәрәфиндән апарылан арашдырмалар нәтиҹәсиндә мәлум олуб ки, әл-Гаидә террорчу јараглылары Бәгубә шәһәри вә онун әтраф јерләриндә мәскунлашма планларын һәјата кечирдибләр.”
Ихлас шәһәрҹијинин валиси Удеј әл-Хидран даһа сонра билдириб: “Һазырда гејд олунан јашајыш мәнзилләриндә радикал тәфәккүрлү аиләләр јашајыр. Бу аиләләр ифратчыларын пәнаһгаһлары вә өзүнү интиһар едәнләрин әмн мәканларына чеврилиб. Онлар бу мәканларда машынлара бомба гурғуларыны гурашдырараг, мүхтәлиф әлдәгајырма партлајыҹы бомбалар истеһсал едирләр”.
Вали сонра дејиб: “әл-Гаидә јараглылары вә хүсуси илә дә бу груплашманын мәсуллары, мүхтәлиф шәһәрләрдә мәхсусән әл-Ихлас шәһәрҹијләриндә јерли сакинләрдән јашајыш мәнзилләрини алараг, 2006 вә 2007-ҹи илләрдә онлары евләриндән мәҹбури көчмәјә вадар етмиш, даһа сонра гејд олунан мәнзилләрдән өлкәдә сабитлији позмагда истифадә едибләр”.
Удеј әл-Хидран даһа сонра билдириб: “Хошбәхтчиликдән Тәһлүкәсизлик Әмәкдашларынын сәјләри нәтиҹәсиндә Ихлас шәһәрҹијиндә јашајан террор груплашмаларынын јувалары ашкарланмыш вә мүвәффәгијјәтлә апарылан әмәлијјатлар нәтиҹәсиндә јараглы үнсүрләр јахаланмышдыр”.
Диггәт: Хәбәрдән истифадә етдикдә мәнбәјә истинад лазымдыр
