Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Тәбриз әһалисинин нүмајәндәси вә Тракторсази клубунун идарә һејәтинин үзвү Мәһәммәд Исмајыл Сәиди Бакыда јерләшән сионист медиасынын Иран Ислам Республикасынын дахили ишләринә гарышмасыны тәнгид едәрәк Азәрбајҹан Республикасынын сәфиринин Иран Ислам Республикасынын Хариҹи Ишләр Назирллијинә чағырылмасыны истәјиб.
О, бу медиаларын идман, әсасән дә Тракторсасинин мәсәләләриндән өз сијаси гәрәзли мәгсәдләри үчүн суи-истифадә етмәләринә ишарә едәрәк дејиб: "Тракторсази Иранын севимли командаларындан биридир. Азәрбајҹан өлкәси өз медиаларына нәзарәт етмәлидир. Чүнки бу метод давам едәрсә, Азәрбајҹана баһа баша ҝәлмәси мүмкүндүр".
"Тәбриз әһалиси Иран Ислам Республикасынын вә өлкәмизин мүгәддәс бајрағынын ашигидир. Азәрбајҹандакы сионист медиаларынын дахили ишләримизә мүдахилә етдији сурәтдә онлара сәрт реаксија вериләҹәк"-дејә нүмајәндә билдириб.
О, һәмчинин дејиб: “Азәрбајҹандакы сионист медиалар ИИР-да јашајан мүхтәлиф етник тајфалар арасында ихтилаф јаратмаг мәгсәдилә өзләрини Тракторсазинин һүгугларынын мүдафиәчиләри кими ҝөстәрмәјә чалышырлар. Һалбуки, тәбризлиләр вә азәридиллиләр бүтүн һәмвәтәнләрини севирләр вә бу дујғу Иранда гаршылыглыдыр”.
Нүмајәндә вурғулајыб: "Бүтүн Иран халгы Тракторсазини севир вә Асија Клублар Чемпионатында бу командаја дәстәк верирләр".
Гејд едәк ки, Иран Ислам Республикасынын “Тракторсази” командасынын БӘӘ-нин командасы гаршысында ҝүҹлү ојунунун ардынҹа Азәрбајҹанын медиалары бәзи гафил, ја гәрәзли тамашачыларын һәрәкәтләрини шиширдәрәк Иран Ислам Республикасы әлејһинә ҝениш тәблиғатлар апарыблар.
Диггәт: Хәбәрдән истифадә етдикдә мәнбәјә истинад лазымдыр
