Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Әфганыстанын Пајтахды Кабулда, нөвбәти камиказечи Дөвләт Тәһлүкәсизлик Әмәкдашлары тәрәфиндән зәрәрләшдириләрәк, һәлакәтә јетирилиб.
Камиказе, Кабулун “Ширпур” мәнтәгәсиндә, ичәриси партлајыҹы маддә илә долу олан машыны, “Әфганыстанын Али Сүлһ Шурасы” мәркәзинин вә Милли Тәһлүкәсизлик Идарәсинин гаршысында, партладмаға ҹәһд ҝөстәриб. Лакин јерли Тәһлүкәсизлик Гүввәләринин габаглајыҹы әмәлијјатлары сајәсиндә, јараглы ашкарланараг, зәрәрләшдирилиб.
Башга бир хәбәрдә исә, гејд олунур ки, јараглылар үч нәфәрдән ибарәт олуб. Онларын икиси, гаршыдурма заманы һәлак, бири исә һадисә јерини тәрк едәрәк, гачмаға мүвәффәг олуб.
Лакин јерли Тәһлүкәсизлик Органларынын вердији ачыгламада исә, бу хәбәр тамами илә тәкзиб едиләрәк, јараглынын мәһз бир нәфәр олдуғу вә өзү дә һәр һансы бир һадисә төрәдә биләјәҹәјиндән габаг, Тәһлүкәсизлик Гүввәләри тәрәфиндән зәрәрләшдирилдији билдирилиб.
Гејд едәк ки, бу ҝүн, сәһәр радәләриндә, Әфганыстанын “Нәнҝәрһа” вә “Луҝер” әјаләтләриндә дә, нөвбәти террор акты гејдә алыныб.
Террор һадисәси, камиказе тәрәфиндән төрәдилиб. Камиказе, өзүнү Дөвләт Тәһлүкәсизлик Гүввәләринә чатдырараг партладмыш, нәтиҹәдә исә үч тәһлүкәсизлик әмәкдашыны гәтлә јетирмәклә јанашы, даһа беш нәфәрә мүхтәлиф дәрәҹәли бәдән хәсарәти јетирмишдир.
Диггәт: Хәбәрдән истифадә етдикдә мәнбәјә истинад лазымдыр
