Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијә дөвләтинин Фәал Кадырлар Алјансынын Сәдр әвәзчиси “Ҝүнај Каја” дүнән 16 Феврал 2013 тарихдә Гејсәријјә шәһәриндә билдириб: “Һиҹаблы ханымларын, дөвләтин мүхтәлиф органларында ишләјә билмәләри үчүн Түркијәнин бүтүн әјаләтләриндән 10 милјонлуг имза топланыб, вә тезликлә бу имзалар, Түркијә баш назири Рәҹәб Тәјјиб Әрдоғана тәгдим олунаҹаг. Үмүд едирик ки, бундан сонра, һиҹаблы ханымларын һагглары бир даһа тапдаланмајаҹаг.”
Ҝүнај Каја даһа сонра билдириб: “Гыса бир мүддәт әрзиндә 10 милијонлуг имза компанијасыны мүвәффәгијјәтлә баша вурмаг, бунун ҝөстәриҹисидир ки, Түркијәнин 75 милјонлуг ҹәмијјәти, өлкәдә инсан һаггларынын там бәрпасынын вә фәрди азадлығларын горунмасынын там тәрәфдарыдыр.”
Түркијә Дөвләт Персоналлары Сендикатынын Сәдри “Әһмәд Ҝүндоғду”, бундан өнҹә Һиҹаб проблеминә тохунараг билдирмишдир: “Әҝәр Түркијә баш назири Рәҹәб Тәјјиб Әрдоған һөкүмәти, 15 Март 2013 тарихә кими “ханым ишчи гүввәләринин Һиҹабла ишә ҝәлмәсинә гадаға едән ганун”у ләғв етмәзсә, елә һәмин ҝүнәдн етибарән бүтүн Һиҹаблы ишчи ханымлар, өз Һиҹаблары илә ишә јерләринә ҝедәҹәкләр.”
Диггәт: Хәбәрдән истифадә етдикдә мәнбәјә истинад лазымдыр
