Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Иран Ислам Республикасында, ИИР-ын бөјүк шәһәрләриндә сәфәрдә олан хариҹиләр тәрәфсиз данышдыгда ИИР гадынынын азадлыгларына һејран галдыгларыны етираф едирләр. Амма јүз јејәнин олсун, бир дејәнин олмасын. АБШ вә сионист исраил режимин сырф анти-ИИР тәјинатлы тәхрибат мәркәзләриндә әсас истигамәтләрдән бири “һиҹабафобија кампанијасы”ны ҝенишләндирмәкдир. Ҝуја гадыны хошбәхт едән “һиҹабсызлыг”, “өртүксүзлүкдүр”. Бу арада белә бир суал јараныр ки, нә үчүн дүнја мигјасында интиһар јолуну сечән гадын вә гызлар арасында һиҹаблысы јохдур?!
Азәрбајҹан Республикасында Ирана гаршы тәхрибат фәалијјәтләриндә ады чәкилән гурумлардан бири дә "Ҝүнејли ханымлар һәрәкаты”дыр. Азәрбајҹан Журналист Гадынлар Ассосиасијасынын сәдри Севил Јусифова дејир:
- Ҝүнејдәки гадынлар һаггында мәлуматлар елә дә гәнаәтедиҹи дејил ки, биз милли һәрәкатдакы гадынларын фәалијјәти һаггында там тәфәррүаты илә нәсә фикир сөјләјә биләк. Гадын фәаллар һаггында мәлуматсызлығын објектив вә субјектив сәбәбләри вар. Нәзәрә алаг ки, Иран гапалы бир дөвләтдир вә мүстәгил мәтбуат јох сәвијјәсиндәдир. Јалныз ҝизли мәнбәләр васитәсилә информасијалар хариҹи мәтбуата јол тапыр. Белә олан һалда, һәр бир КИВ өз мәнбәјини ҝизли сахламаға, неҹә дејәрләр, өз мәлумат мәнбәјини итирмәмәјә чалышыр. О заман верилән мәлуматларын доғру-дүзҝүнлүјүнү јохламаг да чәтинләшир. Белә бир һалда, биз Милли Һәрәкатдакы гадынлар һаггында әлдә етдијимиз мәлуматларын нә гәдәр сәһиһ олмасыны дејә билмирик. Ҝүнејлә бағлы мәлумат гытлығынын олмасы һәм дә о тајдакы гадын фәалларын горунмасы мәгсәдини дашыјыр. Билдијиниз кими, ады һалланан һәр бир кәс Ҝүнејдә тәгибләрә мәруз галыр, бу да өзлүјүндә һәрәката ҝүҹлү зәрбә вурур. Амма ону дејә биләрим ки, Ҝүнејлә бағлы мүхтәлиф тәшкилатлар мүхтәлиф дөвләтләрдә фәалијјәт ҝөстәрир вә бу тәшкилатларда Ҝүнејли ханымлар кифајәт гәдәр фәалдылар. Онлар бу һәрәкатын апарыҹы ҝүҹүнә чеврилирләр.
Бу тајда гадынларын фәаллығыны, әлбәттә, ганәтбәхш һесаб етмәк олар… (өзүнү өлдүрән гадынлар? ред) –
Иран Ислам Республикасы гадынларынын һәјатындан фрагментләри изләјин. Неҹә дејәрләр јүз ешитмәкдәнсә бир ҝөрмәк!
Диггәт: Хәбәрдән истифадә етдикдә мәнбәјә истинад лазымдыр
