Әһли Бејт -АБНА- хәбәр аҝентлијинин вердији хәбәрә әсасән Бәһмәнин 8-дә (27 јанвар) базар ҝүнү Тәбриз, Азәршәһр вә Үскү әһалисинин Ислами Шура Мәҹлисиндә тәмсилчиси вә Сосиал Сијасәт Комиссијасынын витсе-президенти Мәһәммәд Исмаил Сәиди вә бир сыра университет мүәллим вә тәләбәләринин, журналистләрин иштиракы илә Тәбриздә ИИР-Азәрбајҹан мүнасибәтләринә һәср едилмиш семинар кечирилди. Бу семинара Азәрбајҹан Республикасынын сајтларында фәргли јанашмалар олду. Амма бу арада диггәти чәкән бу сајтлардан бәзиләринин семинарын мөвзусуну әкс ҹилвәләндирмәсидир. Ики өлкә арасындакы мүнасибәтләрин һәртәрәфли ҝенишләнмәсиндәки әнҝәлләри вә проблемләри танымаг вә онун арадан галдырылмасы үчүн һәлл јоллары ахтарылмасы истигамәтиндә кечирилән "ИИР-Азәрбајҹан Мүнасибәтләри Семинары" Азәрбајҹан Республикасынын бәзи сајтлары, о ҹүмләдән "Азнеwс.аз" вә "диа.аз" тәрәфиндән Азәрбајҹан әлејһинә адландырылыб. Мараглы бурасыдыр ки, бу сајтларын вердији мәлум хәбәрин мәтниндә Азәрбајҹан Республикасы вә дөвләт рәсмиләри әлејһинә һеч бир материал јохдур.
Диа.аз сајты өз хәбәриндә Ислами Шура Мәҹлисиндә тәмсилчиси вә Сосиал Сијасәт Комиссијасынын витсе-президенти Мәһәммәд Исмаил Сәидинин сәфәвиләр вә Шаһ Исмајыл Сәфәви барәдәки ачыгламаларына ишарә едәрәк ону "Иран Шаһ Исмајыл Сәфәвијә саһиб чыхмагдадыр" адландырыб. Бу башлыг тарихдән мәлуматлы һәр бир инсаны тәәҹҹүбләндирир. Чүнки тарихи китаб вә сәнәдләрә әсасән, бу мөвзуда һеч бир шәкк-шүбһә јохдур.
Бу семинары әкс етдирән хәбәрләдә онун әсас мөвзусуну-"ИИР вә Азәрбајҹан мүнасибәтләринин һәртәрәфли ҝенишләндирилмәси" ҝизләтмәклә, сенимарын мәгсәдинин дүзҝүн ишыгланмағына мане олмушлар.
Азәрбајҹан медиасынын тәҹрүбәли медиа һәрәкәтинә ујғун олмајан бу рәфтары ортаја бир суал чыхарыр; бунлар бир тәрәфдән ИИР-ын Ермәнистанла гоншулугдан ирәли ҝәлән мәһдуд мүнасибәтләринә бәрк етираз едирләр, бир тәрәфдән дә ИИР-Азәрбајҹан мүнасибәтләринин ҝенишләндирилмәсинә аид семинары дүзҝүн әкс етдирмирләр. Ҝөрәсән, бу медиаларын мараглары ики өлкә мүнасибәтләринин мәһдуд галмасындарымы?
Һәр һалда бу нөгтәни Азәрбајҹан медиаларына хатырламаг јеринә дүшәр ки, онлар һал-һазырда бөјүк имтаһан гаршысындадырлар вә о да ИИР вә Азәрбајҹан мүнасибәтләринин бүтүн саһәләрдә ҝенишләнмәсинә конструктив рол ифа етмәкдир.
АранНjyс олараг ИИР вә Азәрбајҹан өлкәләри вә халглары арасында мүнасибәтләрин ҝенишләнмәси истигамәтиндә зәминә јаратмагда Азәрбајҹан Республикасынын бүтүн медиасы илә әмәкдашлыг етмәјә һазыр олдуғумузу билдиририк.
Диггәт: Хәбәрдән истифадә етдикдә мәнбәјә истинад лазымдыр
