“Азәрбајҹанын һава мәканыны позан тәјјарә вурулаҹаг”

Әһли Бејт -АБНА- хәбәр аҝентлијинин вердији хәбәрә әсасән Милли Мәҹлис сәдринин биринҹи мүавини Зијафәт Әсҝәров Хоҹалы аеропортунун фәалијјәтә башлајаҹағы барәдә јајылан мәлуматлара мүнасибәт билдирәркән белә деји: “Истәнилән һалда Азәрбајҹанын һава мәканыны позан тәјјарә вурулаҹаг”.  Зијафәт Әсҝәров билдириб ки, Азәрбајҹанын “Мүлки авиасија һаггында” гануну вар вә Назирләр Кабинети ганунун иҹрасы илә бағлы хүсуси гәрар гәбул едиб: “Азәрбајҹанын һава мәканы позуларса, һәмин дәгигә әрази мүһафизә олунаҹаг вә һәмин тәјјарә вурулаҹаг. Бу, бирмәналыдыр вә биз буну дәфәләрлә демишик. Бурада сөһбәт Азәрбајҹанын ишғал олунмуш әразисиндә һәјата кечириләҹәк учушлардан ҝедир. Ермәнистанын мүлки тәјјарәләри Азәрбајҹанын һава мәканындан кечәрәк учушлар һәјата кечирир. Һәмин учушлары Азәрбајҹанын мүлки авиасијасы да һәјата кечирир. Бу, бејнәлхалг ганунлар вә конвенсијаларла тәнзимләнән проседурдур. Лакин танынмамыш әразидә белә учушларын һәјата кечирилмәси мүмкүнсүздүр”.    Диггәт: Хәбәрдән истифадә етдикдә мәнбәјә истинад лазымдыр