Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән сон заман Азәрбајҹан Ислам Партијасынын сәдри, Азәрбајҹан Ислами Ојаныш Һәрәкатынын Лидери, Доктор Мөвсүм Сәмәдовун сәһһәтиндә јранмыш ҹидди проблемләр, бүтүн Азәрбајҹан Иҹтимаијјәтини нараһат етмәкдәдир.
Һадисәнин һәссазлығыны дәрк едән бүтүн Иҹтимаи Хадимләр, өз нөвбәләриндә мөвҹуд режимә сәсләнмиш вә һеч бир ҹинајәт акты төрәтмәјәрәк һәбс олунан Доктор Мөвсүм Сәмәдовун тез бир заманда азад едилмәсини вә онун сәһһәти илә бағлы лазыми аддымларын атылмасыны тәләб етмишләр.
Бу Етираз Компанијасындан ҝери галмајан, “Мүбариз Руһаниләр Ҹәмијјәти” дә редаксијамыза мүраҹиәт едәрәк, олајла бағлы “Бәјанат” јајдыгларын билдирмишләр. Бәјанатын мәтнин олдуғу кими, зијарәтчиләримизин нәзәринә чатдырырыг:
Бисмилләһир Рәһманир Рәһим
إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ
Әҝәр Аллаһ сизә јардым едәрсә, һеч кәс сизә галиб ҝәлә билмәз. Јох, әҝәр сизи зәлил едәрсә, Ондан сонра ким сизә көмәк едә биләр? Буна ҝөрә дә мөминләр Аллаһа тәвәккүл етсинләр!
(Ал-имран-160)
Өлкәмизин бу ағыр вә аҹынаҹағлы олан вәзијјәтиндә Мүбариз Руһани Һаҹы Илгар Әлијевин Азадлыг хәбәри, кәдәр долу гәлбләримизә севинҹ ҝәтирди . 11 ај өз дәјәрли өмрүнү һәбсдә кечирдән руһанин иззәт вә баш уҹалыгла һәбсдән азад олмасы мүнасибәтијлә Азәрбајҹанын бүтүн мүсәлман халгына , Руһаниләрә вә Һаҹынын аилә үзвләринә ҝөз ајдынлығы веририк. Һаҹы Илгарын һәгигәтән Аллаһ вә онун дини јолунда мубариз руһани олмағы һәркәсә бәллидир . Амма бунуда унутмамалыјг ки, Һаҹы илгар гардашымыз Азәрбајҹанын кечмиш ССР дөврүндән галмыш ән савадлы вә Алим Руһаниләриндәндир. О, “Бөјүк устад” Молла Бәјләр Ағанын ән савадлы тәләбәләриндән олуб.
Фүрсәтдән истифадә едәрәк сөзүмүзү Һакимијјәтдә олан игтидара вә Илһам Әлијев ҹәнабларына чатдырмаг истәрдик. Һаҹы Мөвсүмүн зинданда хәстәлик хәбәри бизләри чох нараһат етди . Биз Руһаниләр Һаҹы Мөвсүм кими шәхсијјәти Аллаһ тәрәфиндән Халгымыз үчүн бөјүк әманәт һесаб едирик. Онун сағламлығы барәсиндә сизләрә сәрт шәкилдә хәбәрдарлығымызы чатдырырыг. Буна 100% әмин олун ки әҝәр Һаҹы Мөвсүмүн башындан бир түк әскик олса ширин јухуларыныз сизләрә һарам олаҹаг. Горхун Аллаһын гәзәбиндән, Горхун Халгын интигамындан. Сонда сиздән тәләб едирик ки, тез бир заманда Һаҹынын сәһәтини нормаллашдырмаг барәсиндә ҹидди аддымлар атасыныз.
Мрҹ Мәтбуат хидмәти 19/01/2013
Диггәт: Хәбәрдән истифадә етдикдә мәнбәјә истинад лазымдыр
