Әһли Бејт -АБНА- хәбәр аҝентлијинин вердији хәбәрә әсасән дүнән, 9 Јанвар 2013 тарихдә, Пакистанда АБШ вә Гәрб дөвләтләри тәрәфиндән малијјәләшән террорчу груплар, Мүсәлманлар арасында Шиә - Сүнни савашын шөләләндирмәк үчүн, нөвбәти ҹинајәт һадисәсинә әл атыблар. Белә ки, террорчулар, Пакистанын “Карачи” әјаләтиндә јерләшән, “Лале Гәле” адына мәктәбин мүдирини, евдән ишә ҝедәркән, јолда террор едәрәк, шәһид етмишләр.
35 јашлы мәктәб мүдири “Сејјид Әли Һејдәр Ҹәфәри”, јерли вахтла, сәһәр саат 08:30 радәләриндә, мәктәб јахынлығында, ҝүллә јарасы алараг јериндәҹә шәһид олмушдур.
Һадисәдән һеч бир саат кечмәмиш, Пакистанын “Кувејтә” әјаләтиндә, даһа бир террор һадисәси баш вериб. “Сәһабә Ордусу” адлы сәләфи террор груплашмасынын снајперчиләри, “Хәсдар” мәнтәгәсиндә јашајан, “Зәввар Һүсејн Шаһ” адлы вәтәндашы, ҝүллә илә шәһид етмишләр.
Баш верән һадисәдән сонра, јерли вахтла 10:40-да, нөвбәти террор һадисәси, Пкаистанын “Пишавәр” мәнтәгәсиндә баш вериб.
Моторсиклетә минмиш ики муздур террорчу, “Парачинар” Шиәләриндән олан, Доктор “Шүбејр Һүсејн” оғлу “Сејјид Рза Һүсејн”и, тапача илә ҝүлләлијәрәк шәһид етмишләр.
Тәсүфлә гејд етмәлијик ки, Пакистанда давамлы сүрәтдә Әһли-Бејт (әлејһимус сәлам) мәктәбинин давамчыларынын террор едилмәси, артыг дөвләт гурумлары үчүн ади бир һала чеврилмишдир. Вә санки өлкәдә, дөвләт сәвијјәсиндә, бүтүн бу террор һадисәләри илә бағлы иш апара биләҹәк бир грум мөвҹуд дејилдир!!!
Диггәт: Хәбәрдән истифадә етдикдә мәнбәјә истинад лазымдыр
