Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Ислами Шура Мәҹлисинин Гум әјаләти үзрә, Милләт Вәкили, Һөҹҹәтүл Ислам Муһәммәд Рза Аштијани дүнән Гум шәһәриндә тәшкил олунан бир мәрасимдә нитг сөјләдији заманы, конститусијанын 44-ҹү маддәсинә тохунараг билдириб: "Бу маддә тәсдиг кими тәтбиг олунса, өлкә игтисадијјаты ҝениш бир инкишафа уғрајаҹаг. Буна ҝөрә, бу маддәнин тәтбиг олуна билмәси үчүн, өлкә сәвијјәсиндә, лазыми инфраструктурларын јарадылмасы зәруридир".
Һөҹҹәтүл Ислам Аштијани даһа сонра, өлкә әһалисинин Ингилабдан сонра һәр ил бир милјон артым тапмасына тохунараг дејиб: "Ингилаб зәфәрә чатдыгда, өлкә әһалиси 34 милјон иди, амма бу ҝүн 70 милјон адамы ашмыш вәзијјәтдәјик. Бу мөвзуда едилән тәхминләрә ҝөрә, ҝәләҹәк 10 илдә, нүфуз 100 милјону да ашабиләҹәк".
Аштијани чыхышынын давамында өлкәнин елм вә технолоҝија саһәсиндә әлә ҝәтирдији бөјүк ирәлиләјишләрә тохунараг гејд едиб: "Иран Ислам Республикасынын елм адамлары, ингилабдан сонрасы ҝөстәрдикләри сәјлә, јени нүвә елмини әлдә етмәсәјдиләр, шүбһәсиз мәрһәмәтсиз дүшмәнләримиз, өлкәни удардылар. Онларын бу ҝүнки тәһдидләри, бизим онлары горхудан бир шеј әлдә етдијимизин ҝөстәриҹисидир".
Диггәт: Хәбәрдән истифадә етдикдә мәнбәјә истинад лазымдыр
