Әһли Бејт -АБНА- хәбәр аҝентлијинин вердији хәбәрә әсасән 2 Јанвар 2013-ҹү илдә Мәсумәји Гумда охујан Азәрбајҹанлы тәләбәләр, Әба Әбдиллаһил Һүсејнин (әлејһис сәлам) Әрбәин мәрасимини гејд едибләр.
Мәҹлисин апарыҹысы Гуран вә Һәдис Елмләри үзрә алим, Һөҹҹәтүл Ислам Әлијев Ширван олуб.
Мәрасимдә илк өнҹә Кәрбәлаји Әһмәдли Һүсејн тәрәфиндән “Әрбәин” зијарәти охунуб.
Даһа сонра Гурани Кәримин тилавәти үчүн, Гуран Гариси, Әһли-Бејт (әлејһимус сәлам) Мәддаһы Садыгов Елвин сәһнәјә дәвәт едилиб.
Мәҹлисин хитабәчиси Фигһ вә Үсул елмләри үзрә мүтәхәссис, Һөҹҹәтүл Ислам вәл Мүслимин Јусифи ҹәнаблары олублар.
Хәтиб, илк өнҹә, милјонларла ашигләрин пијада Кәрбәлаја ҝетмәсинә тохунду вә гејд етди ки, әјәр Ашура ҝүнүндән өнҹә бу инсанлар Имам Һүсејнин (әлејһис сәлам) пишвазына белә ҝетсәјдиләр Кәрбәла мүсибәти баш вермәздир. Вә Бәлкә дә тарих дәјишиләрди...
Һөҹҹәтүл Ислам вәл Мүслимин Јусифи Аға, сөһбәтинин давамында “Һүсејн (әлеһис сәлам) ешги евин бир ҝүшәсиндә өтуруб ағламагла тамам олмур. Һүсејнин ашигләри онун кими малы вә ҹаны илә зүлмә гаршы етираз етмәји баҹармалыдыр. Белә олмазса бош ағламаға һеч бир шеј вермәзләр. Ағламаг, инсанда зүлмә гаршы етираз јаратмырса, онун дәјәри јохдур...” кими сөзләри билдирди.
Хәтибин чыхышындан сонра, Әһли-Бејт (әлејһимус сәлам) Мәддаһлары Әрғәвани вә Фәтһуллајев Сејјид Әлијар роза вә мәрсијјә илә мәҹлиси зијнәтләндирдиләр.
Мәҹлисин сонунда дүнја мүсәлманлары вә Азәрбајҹанда ҝүнһасыз һәбс едилмишләр үчүн дүалар олунду. Хүсуси илә дә Иран Ислам Республикасын Гум Елми Һөвзәсиндә Али Дини Тәһсил алмыш, Доктор Һаҹы Мөвсүм Сәмәдов јад едилди вә онун шәрләнәрәк һәбс едилмәси писләнилди.
Диггәт: Хәбәрдән истифадә етдикдә мәнбәјә истинад лазымдыр
