Әһли Бејт -АБНА- хәбәр аҝентлијинин вердији хәбәрә әсасән Илһам Әлијевин 26 декабр сәрәнҹамы илә әфв олунан Һөҹҹәтүл Ислам Фәхри Илјасов ачыглама вериб.
О, адынын әфв сәрәнҹамына дүшмәсини дөвләтин өз програмы кими дәјәрләндириб: “Өзләри һәбс етмишдиләр, өзләри дә азад еләдиләр, өз програмларыдыр. Биз һеч бир әфв әризәси јазмамышдыг. Кимсә нә јахшылыг едибсә, онун әвәзини алаҹаг. Әсл әфв Аллаһдандыр. Онун бизи әфв еләмәси лазымдыр”.
Һөҹҹәтүл Ислам Фәхри Илјасов декабрын 27-дә ҹәзачәкмә мүәссисәсиндән бурахылдығыны вә Бакыдан Ҝәнҹәјә јола дүшдүјүнү дејиб. О, һәм өзүнү, һәм дә диҝәр әгидә саһибләринин адынын Авропа Шурасы Парламент Ассамблејасы сијаси мәһбуслар үзрә мәрузәчи Кристофер Штрассерин сијаһысына дүшмәсини белә гијмәтләндириб: “Бу сијаһыја ады дүшәнләр виҹдан мәһбусларыдыр. Биз виҹдан азадлығына ҝөрә һәбс олундуг, бармаглыглар арасына салындыг. Биз һеч бир ҹинајәт төрәтмәмишик. Һәбс олунмағымызын 2 илинә аз галыб, биз наһагдан орда сахланмышыг. Биз виҹдан мәһбусларыјыг, чүнки һагг билдијимиз сөзү демишик, һаггымызы тәләб етмишик. Азәрбајҹан мүсәлман өлкәсидир вә мүсәлманларын мүгәддәс китабына ҝөрә, гадынларын башларыны өртмәк кими һаггы вар. Биз буну тәләб еләмишик. Буна ҝөрә һәбс олундуг. Садәҹә, һаггымызда гондарма иттиһам галдырдылар”.
Мүбариз Руһани гыса мүддәт әрзиндә үзәриндә олан “мәһкум” сөзүнүн ҝөтүрүлмәси илә бағлы лазымы инстансијаја мүраҹиәт едәҹәјини дејиб: “Әҝәр бизә өз фәалијјәтимизә, өз тәләбләримизә ҝөрә һөкм охунсајды, бу ајры мәслә оларды. Амма бизи хулиганлыг ады илә һәбс едиб, бу адла үзәримизә мәһкум адыны јапышдырыблар. Биз бу хулиганлығы етмәмишик. О сәбәбдән дә өзүмүзү мәһкум сајмырыг, бу ады нә үчүн дә дашыјаг?”
Һөҹҹәтүл Ислам әлавә едир ки, һәр һансы бир ҹинајәт төрәтмиш адамын ҹәзачәкмә мүәссисәсинә салыныб ислаһ олунмасы, ҹәзасыны чәкмәси онун сонра ҝәләҹәк фәалијјәтини тәсир едә биләр: “Мән вә мәним кими әгидә саһибләри үчүн ҹәзачәкмә мүәссисәләри садәҹә әгидәмизин даһа да мөһкәмләндији јердир. Дүнјанын һансы нөгтәсинә ҝетмәјимиздән, һарда олмағымыздан асылы олмајараг инсанын әгидәси, инсанын дүнјаҝөрүшү дәјишә билмәз, дүшдүјү мүһити дә о идеолоҝија илә рәнҝарәнҝ етмәлидир. Биз әгидәмизә ҝөрә һәбс олунмушугса, мәканын бизә мәнфи тәсири ола билмәз. Мән һагг сөз демишәм, мүсәлманам, намаз гыланам вә гадынларын баш өртүјү һаггыны мүдафиә еләмишәм. Мән Аллаһа бәндәчилик етмәји гәбир евинә гәдәр давам етдирәҹәм, чүнки белә бир андым вар”.
Диггәт: Хәбәрдән истифадә етдикдә мәнбәјә истинад лазымдыр
