Әһли Бејт -АБНА- хәбәр аҝентлијинин вердији хәбәрә әсасән Тәглид Мәрҹәси, Ајәтуллаһ, Сејјид Әләви Гургани, Сепаһын Авиасија ве Спејс Корпусунун Командир вә рәһбәрләринин ҝөрүшүндә, Гурани Кәримин ајәләринә ишарә едәрәк билдириб: “Үлул Әмр вә Мәсум Имамлардан (әлејһимус сәлам) итаәт етмәк, ејни илә Пејғәмбәрдән (сәлләлаһу әлејһи вә алиһ) вә Аллаһ Тәаладан (ҹәллә ҹәлалуһ) итаәт етмәкдир. Она ҝөрә ки, Мәсум Имамлар (әлејһимус сәлам) һәзрәти Пејғәмбәрин (сәлләлаһу әлејһи вә алиһ) нурларыдыр, лакин тә`сүфлә гејд етмәлијик ки, бәзиләри Имамлардан (әлејһимус сәлам) итаәт етмәдикләри үчүн доғру јолдан сапынмышлар”.
Тәглид Мәрҹәси даһа сонра дејиб: “Инсанларын хөшбәхт вә фираван һәјат сүрмәләри Ислам Пејғәмбәринин (сәлләлаһу әлејһи вә алиһ) Әһли-Бејтинә (әлејһимус сәлам) итаәт етмәкләриндә, мусибәтли вә солғун һәјат сүрмәләри исә, оналара гаршы итаәтсизликләриндәдир”.
Ајәтуллаһ Гургани ҹәнаблары, Сепаһ Командирләринә, Ислам Ингилабынын Баниси, мәрһум Имам Хомејнин (Аллаһ ондан разы олсун) төвсијәләрини бир даһа јадларына салараг билдириб: “Ислам Һөкүмәти Вәлијји Фәгиһин там нәзарәти алтында инкишаф етмәкдә давам едир,... Ислам Ингилабынын Али Рәһбәринин тәкид етдикләри кими, “Аллаһ етмәмиш, әҝәр истәјириксә Ислами Гурлуша һеч бир зәрбә дәјмәсин, мүтләг Дөвләт Органларынын бүтүн мә`суллары Вәлијји Фәгиһә етибарлы дајаг олмалыдыр”
Гум Елми Һөвзәсинин “Фигһ” вә “Усул” үзрә Али Мәрузәчиси, Ислам дүшмәнләринин халгы Руһанијәтдән ајырмаг ҹәһдләринә ишарә едәрәк дејиб: “Дүшмәнләрин гејри-гануни истәкләриндән бири дә, халг күтләсинин Руһанијјәт илә олан әлагәләрини гырмагдыр. Амма буна бахмајараг, халг дәфәләрлә сүбут етмишдир ки, даим Вилајәт, Мәрҹәијјәт вә Руһанијјәт илә сых әлагәләри вы бағлылыглары вардыр”.
Дүнја Мүсәлманларынын Тәглид Мәрҹәси, данышыгларында, Сәуди әрәбистанын АБШ-а олан бағлылығына тохунараг билдириб: “Әрәбистан халгынын милли сәрвәтләри олан Нефт јатаглары, Али Сәудун АБШ-а етдики нөкәрчилији уҹбатындан, Суријада, Мүсәлманларын сојгырымына хәрҹләнилир”.
Сејјид Әләви Гургани ҹәнаблары, һәмчинин билдириб: “Американын ачдығы сүфрә башына әјләшәнләр, онларын әмирләриндән итаәт етмәк мәҹбуријјәтиндәдирләр. Бу да ки, рәзилликин ән сон һәддини ашмаг демәкдир”.
Диггәт: Хәбәрдән истифадә етдикдә мәнбәјә истинад лазымдыр
