Әһли Бејт -АБНА- хәбәр аҝентлијинин вердији хәбәрә әсасән АБШ-да чыхан “Калифорнија Курјери” гәзети ишғалчы Ермәнистанын, Гарабағ мүһарибәси барәдә чәкилмиш “Әҝәр һамы…” филмини рәсми олараг “Оскар” мүкафатына намизәд кими тәгдим етдији барәдә мәлумат јајыб. Өтән һәфтә Һолливудда кечирилән “Арпа” кинофестифалында, филмин премјерасы кечирилиб.
Кино сәнәти вә елмләри Академијасынын ачыгладығы пресс-релиздә бидирилир ки, ермәни филми “ән јахшы хариҹи филм” номинасијасына тәгдим едилиб. Декабрын 20-дә Академија “ән јахшы хариҹи филм” номинасијасына дахил едилмиш 9 филмин сијаһысыны ачыглајаҹаг. 10 јанвар 2013-ҹү илдә исә 5 финалчы бәлли олаҹаг. Февралын 24-дә “Оскар” мүкафатыны алан филмин ады ачыгланаҹаг.
Филмдә Гарабағ мүһарибәсиндә атасыны итирмиш рус гызынын һекајси тәгдим олунур. 20 илдән сонра гыз Гарабаға ҝәләрәк бурда өлдүрүлмүш атасынын адсыз гәбрини тапмаг истәјир. Атасынын дөјүшдүјү һәрби һиссәнин кечмиш командиринин көмәји илә гыз өјрәнир ки, атасынын басдырлыдығы јер Азәрбајҹан тәрәфиндәдир. Гыз ермәни һәрбчсинин көмәји илә ҝеҹә икән Азәрбајҹан сәрһәддини кечир. Атасынын гәбри үстә ағҹагајын әкән заман силаһлы азәрбајҹанлы чобан онлары тутур вә өлдүрмәк истәјир. Һәр икиси әһвалаты чобана данышырлар. Көврәлмиш чобан онлары бурахыр вә дејир ки, Гарабағ мүһарибәсиндә 10 јашлы оғлуну ермәниләр өлдүрүб. Филм гыз вә ермәни һәрбишинин 10 јашлы азәрбајҹанлы оғланын гәбри үстә ағаҹ әкмә сәһнәси илә битир.
Билдирәк ки, “Әҝәр һамы...” филминин ссенари мүәллифи Микаел Погосјан, гурулушчу режиссору Наталја Белјаусканедир.
Гејд едәк ки, “Әҝәр һамы..” филми Азәрбајҹанда бирмәналы гаршыланмајыб. Азәрбајаҹанын танынмыш јазчысы Елчин Һүсејнбәјли бәјан едиб ки, ермәниләр онун рус дилиндә чап олунмуш һекајәсини плаҝиатлыг едәрәк ссенари јазыблар.
Кинодраматург Елдәниз Гулијевин дә бу барәдә олан мөвгејини АзНеwс.аз-а вердији мүсаһибәси.ндә белә ачыглајыр
- Киношүнас Ајаз Салајев ермәниләрин ОСКАР-а тәгдим етдији “Әҝәр һамы…” филми илә бағлы АзНеwс.аз-а ачыгламасында дејиб: “Бу филмин әлејһинә јазмаг, ону ОСКАР-а доғру апармагдыр. Бизим ағлымыз, башымыз јохдур. Галмагал галдырмагла јалныз филми реклам едирләр”.
- Билмирәм. Ајаз Салајев өзү физиоложи габара-габара нијә өлкә үчүн ваҹиб олан мәсәләләри габартмыр? Нијә данышмырлар? Нәдән горхурлар, нәдән чәкинирләр? Ермәниләрин чәкдији филм Азәрбајҹан јазычысынын оғурланмыш әсәри әсасында екранлашдырылыб. Икинсиси, ермәниләр һәмин филмә күлли мигдарда сәрмајә гојублар. Бу ҝүн исә ону ОСКАР-а тәгдим едирләр. Алаҹаг ја алмајаҹаг, бу артыг башга сөһбәтин мөвзусудур. Мәсәлә бундадыр ки, онлар буна ҹәһд едирләр. Ҹәһд едәнә дә манечилик төрәдән јохдур. Бизсә данышмаға горхуруг. Дөвләтин ајырдығы пула 3-5 филм чәкилир. Әслиндә исә бу пула бир филм чәкилмәлидир.
Биз мүһарибә шәраитиндә јашајырыг. Торпагларымыз ишғал олунуб. Елә филмләр чәкәк ки, һәм ағрымызы дүнјаја ҝөстәрәк, һәм дә һәгигәтимизи бәјан едәк. Биз нејләјәк ки, кино баһалы инҹәсәнәт нөвүдүр. Бу һазырда Азәрбајҹанла Ермәнистан арасында ҝедән мәсәлә дејил ки. Ермәниләр бизим әсәримиздән филм чәксинләр, дүнјаја чыхарсынлар вә биз дә динмәјәк, еләми? Чох ҝүлмәлидир. Онлар нә истәјирләр? Јухарыдан һәлә ҝөстәриш јохдур.
Мәдәнијјәт вә туризм назиринә, јахуд да киноја сәлаһијјәтли, мәсәлән Ајаз кими гујруг булајан адамлара бунунла бағлы данышмаға јухарыдан бир ҝөстәриш верилмәјиб. Су да бир јердә галанда иј верир. Белә проблемләри сахлаја-сахлаја фаҹиәјә чевирдик ки, Гарабағ јада дүшмүр. Сөзүн дүзүнү демәјә горхурлар, елә бил мин ил јашајаҹаглар. Дүнја мүвәггәтидир. Инсан өмрү дә аз.
Ај башыныза дөнүм, һаггы данмајын, мәнәвијјаты фәлакәтә уғрамаға гојмајын. Сөзүнүзү дејин. Нәдир о јаранан икинҹи иттифаг? Ора-бура гачдылар ки, ҝуја кинону дүзәлдәҹәкләр. Кино дүзәлдән идинизсә, елә орада дүзәлдәјдиниз дә. Инди отуруб киноја рәһбәрлик едирсиниз. Шәфигә, Ајаз, Огтај, елә орада катиб идиниз дә. Нијә кинону орада дүзәлтмирдиниз? Ахы сиз нә вахта кими орада отуруб, дирижор чубуғу илә идарә олунаҹагсыныз? Ај бәдбәхтләр, сонра нә олаҹаг? Ад, еви алдыныз. Бәјәм адла гәбрә ҝедәҹәксиниз?
- Һүсејн Меһдијев дејир ки, дөвләтин киноја инвестисијасыны мәмурлар дүзҝүн анламыр.
- Һүсејн Меһдијев дүз дејир. Истәсәк дә, истәмәсәк дә кино сәнәти “ҝәлир мәнбәјинә” чеврилиб. Азәрбајҹан кино сәнәти Һолливудун филмләри, ҝәлир ҝәтирән филмләрдән мәнәви дәјәрләрилә фәргләнмәлидир. Бу мәнада мәмурлар нә фикирләшир? Амма һәр һалда Азәрбајҹан кинолары кәнардан бир аз ахсаг ҝөрүнүр. Хоф һәр бир мәсәләдә бизи басыб. Бәзән ҝөрдүјүмүз шејә дә инана билмирик. Һамымыз бахырыг, амма нәдәнсә әтрафы чох аз адам ҝөрүр.
Диггәт: Хәбәрдән истифадә етдикдә мәнбәјә истинад лазымдыр
