Әһли Бејт -АБНА- хәбәр аҝентлијинин вердији хәбәрә әсасән бу ҝүн сәһәр саат 10:00-да Руһани Һаҹы Илгар Әлијевин мәһкәмәси кечирилиб.
Бунунла бағлы Исламазери.аз руһанинин вәкили Тағы Ибраһимов илә әлагә сахлајыб.
Онун сзөләринә ҝөрә, Һаҹы Илгар Әлијевин вәсатәти илә иши илк арашдыран мүстәнтиг Рәсулов Ваһид шаһид кими диндирилиб.
Мүстәнтиг һазырладығы ҹинајәт ишиндән данышанда Һаҹы Илгар дејиб ки, нә үчүн наһаг данышырсан?
Мүстәнтиг исә "һаггы дејирәм мән" дејиб.
Һаҹы Илгар мүстәнтиги јалан данышмагда иттиһам едәндә мүстәнтиг әсәбиләшиб.
Әсәби һалда “әҹәб едирәм” дејән мүстәнтиг вәкилин суалларыны ҹавабландырмаг истәмәјиб.
Вәкил она " мәним ихтијарым вар сәнә суал вермәјә вә сән дә ҹаваб вермәлисән" дејәндә мүстәнтиг дејиб ки, сән орда олмусан мән ону диндирәндә.
Вәкил исә өз нөвбәсиндә дејиб :”Сән мәнсиз дә ону диндирмисән”.
Мүстәнтиг бу јердә сәһвә јол верәрәк етираф едиб ки, о Һаҹы Илгары диндириб: “мән һеч нә јаздырмамышам”.
Вәкил исә: “Сән етираф едирсән ки, мәнсиз онунла ҝөрүшмүсән. Сән дүзҝүн арашдырмамысан. Һеч әл изи мәсәләси дә һәлл едилмәјиб. Һаҹынын әл изи чыхмајыб орда”.
Мүстәнтигин сәс-күјүнү һаким сакитләшдириб.
Бу заман Һаҹы Илгар ҹибиндән Гураны чыхараг дејиб: “бу Гурана анд олсун мән сәнә дедим ки, бунларын да әл изләрини ҝөтүрүн, мәним дә. Сән мәнә дедин ки, мән инди дуруб полисләри сәнин ајағына верәҹәм? Буну билин ки, Мәним алным Аллаһымын јанында ачыгды. Бу бөһтанлара ҝөрә сиз ҹаваб верәҹәксиниз. Мән нараһат дејиләм”.
Бу заман мүстәнтиг јенидән сәс-күј салмаға башлајыб.
Бундан сонра һаким мәһкәмә иҹласыны бағлајараг просеси сабаһа (12 декабр) кими тәхирә салыб.
Диггәт: Хәбәрдән истифадә етдикдә мәнбәјә истинад лазымдыр
