Әһли Бејт -АБНА- хәбәр аҝентлијинин вердији хәбәрә әсасән Руһани Һаҹы Илгар Әлијевин мәһкәмәси јенә тәхирә дүшүб.
Бу барәдә ачыглама верән вәкил Тағы Ибраһимов дејиб ки, декабрын 4-дә Ҹәлилабад Рајон Мәһкәмәсиндә кечирилән просесдә һал шаһидләриндән јалныз бири – полис әмәкдашы диндирилиб: “Диҝәр һал шаһиди исә просесә ҝәлмәјиб. Диндирилән полис әмәкдашы кәнардан һал шаһиди ҝәтирдијини етираф етмәди. Она ҝөрә дә полис әмәкдашынын тәкиди илә һал шаһидлији етдијини дејән Ағајев Рамил Рамиз оғлу мәһкәмәјә ҝәтирилмәли, һәр ики шәхс үзләшдирилмәлидир.
Һадисәни тәсадүфән ҝөрәнләр һал шаһиди гисминдә чыхыш едә биләр. Һал шаһиди һеч бир тәрәфин марағына хидмәт етмәмәлидир. Ағајев Рамил Рамиз оғлуну полис әмәкдашы һал шаһиди гисминдә тәгдим едибсә, демәли, Ҹинајәт Просессуал Мәҹәлләсинин тәләбләри позулуб. Бу исә Илгар Әлијевин наркотик васитәләрлә әлагәси олмадығына дәлаләт едир. Наркотик васитә онун ҹибинә Ҝөјтәпә мәсҹидиндән Ҹәлилабад Рајон Полис Шөбәсинә ҝәтириләркән атылыб”.
Хатырладаг ки, Руһани Һаҹы Илгар Әлијев бу илин феврал ајында, Илһам Әлијев режиминин ҝүҹ структурлары тәрәфиндән тутулуб. О, режимин Ҹинајәт Мәҹәлләсинин 234.1-ҹи маддәси илә (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) ШӘРЛӘНИЛИБ. Руһани өзү һәбсини бу илин мајында Бакыда кечирилмиш Бәднам “Авровизија” Фәсад јарышмасына етираз етмәси илә бағлајыр.
Диггәт: Хәбәрдән истифадә етдикдә мәнбәјә истинад лазымдыр
