Әһли Бејт -АБНА- хәбәр аҝентлијинин вердији хәбәрә әсасән Ирагын “ән-Нәхил” сајты билдириб ки, өтән ҝүн Түркијәнин баш назири Рәҹәб Тајјиб Әрдоған ачыгламасы заманы Ирагда Нури әл-Малики һөкумәтини милли вә мәзһәб ајрычсечкилији јаратмагда иттиһам етмишди. Рәсми Бағададын бу иттиһамлара ҹавабы исә ҝеҹикмәјиб. Баш назир Нури әл-Малики Әрдоғанын бу кими мүдахилә характерли чыхышларыны тәнгид едәрәк дејиб: “Түркијәнин дахили вәзијјәти ҝүнү-ҝүндән писләшир. Бу өлкәдә милли азлыгларын һүгуглары позулур. Әрдоған, вәтәндаш мүһарибәси һәддинә чатмыш Түркијәнин дахили проблемләрини өрт-басдыр етмәк мәгсәдилә Ирагы иттиһам едир. Ирагда һеч бир мәзһәб гаршыдурмасы олмајаҹаг. Ирагын нефти исә бүтүн ираглыларын сәрвәтидир. Түркијә Ирагда вәтәндаш гаршыдурмасына мараглы олмаг әвәзинә бу гоншу өлкә илә дүзҝүн сијасәт һәјата кечирмәлидир”.
Хатырладаг ки, Әрдоған һакимијјәти Гәрб вә реҝионун бир нечә диктаторунун сифариши илә Суријанын дахили ишләринә гарышдығы кими, Ирагын да дахили ишләринә гарышмагдадыр. Бу исә һәм Ираг дөвләтини, һәм дә јерли әһалинин бу өлкәјә гаршы бәдбин јанашмасына сәбәб олуб.
Диггәт: Хәбәрдән истифадә етдикдә мәнбәјә истинад лазымдыр
