Әһли Бејт -АБНА- хәбәр аҝентлијинин вердији хәбәрә әсасән Сепаһын (Иран Ислам Ингилабы Кешикчиләр Корпусу) Һава Гүввәләринин Баш Команданы АБШ-ын пилотсуз тәјјарәләринин ИИР сәмасына сохулмасынын тәкрар олаҹағы барәдә о өлкәјә сәрт хәбәрдарлыг едиб.
Сепаһын (Ислам Ингилабынын Кешикчиләр Корпусу) Һава Гүввәләринин Команданы Ҝенерал Әмирәли Һаҹизадә базар ҝүнү Теһранда мүхбирләр гаршысында АБШ-а хәбәрдарлыг едәрәк дејиб: "Әҝәр АБШ-ын пилотсуз тәјјәрәләри бир даһа өлкә сәмасынын мүһафизә олунмуш мәнтәгәсинә (ФИР) дахил олса, Сепаһын кәскин реаксијалары илә үзләшәҹәкдир.
Ҝенерал мајор Һаҹизадә АБШ-ын пилотсуз тәјјарәси барәдә дејиб: "Әлдә едилән мәлуматлара әсасән, АБШ-ын пилотсуз тәјјарәси ҹасуслуг мәгсәди илә Иран Ислам Республикасынын сәмасына ҝөндәрилмишдир. Тәјјарә һәрби саһәдә ҹасуслугдан әлавә, ИИР-ын ҹәнубунда јерләшән Харк адасында нефт ҝәмиләри барәдә информасија әлдә етмәјә чалышыб".
Бир нечә ҝүн өнҹә АБШ-а мәхсус пилотсуз тәјјарә Иран Ислам Республикасынын Фарс Көрфәзи әтрафындакы сәмасына дахил оларкән Сепаһын Һава Гүввәләринин дәрһал реаксијасы илә үзләшәрәк мәнтәгәдән гачмаг мәҹбуријјәтиндә галмышдыр.
Диггәт: Хәбәрдән истифадә етдикдә мәнбәјә истинад лазымдыр
