Әһли Бејт -АБНА- хәбәр аҝентлијинин вердији хәбәрә әсасән өтән ҝүн Бакынын Хәзәр рајону әразисиндә танынмыш сајтларын биринин журналистинин аиләсиндә ганлы һадисә төрәдилиб.
Рајон Прокурорлуғундан верилән мәлумата ҝөрә, Мәрдәкан гәсәбәси Гардашхан Асланов күчәси далан 3 үнванында јашајан 1949-ҹу ил тәвәллүдлү Мәнсим Мәнсимов аилә мүнагишәси нәтиҹәсиндә арвады 1963-ҹү ил тәвәллүдлү Земфира Мәнсимова вә гызы 1990-ҹы ил тәвәллүдлү Севинҹ Мәнсимлини балталајараг гәтлә јетириб. Даһа сонра исә 63 јашлы Мәнсим Мәнсимов өзүнү асыб.
Арашдырмалар заманы мәлум олуб ки, Севинҹ Мәнсимли “Гафгазинфо” сајтынын мүхбиридир.
Фактла бағлы Хәзәр рајон Прокурорлуғунда Ҹинајәт Мәҹәлләсинин 120.2.4, 120.2.7 вә 120.2.9-ҹу мәддәләрлә ҹинајәт иши башланыб, арашдырмалар апарылыр.
Диггәт: Хәбәрдән истифадә етдикдә мәнбәјә истинад лазымдыр
